Ku myaka 7 gusa, umwana w’umukobwa amaze kwegukana imidari 10 ya Zahabu mu gukina karate

Rabiah Davids w’imyaka wo muri Leta Zunze Ubumwe za Amerika mu mugi wa Portland, ku myaka irindwi gusa y’amavuko amaze kwegukana imidari ya Zahabu igera kuri 5 ndertse n’indi yo mu bundi bwoko mu gihe cy’amezi 10 gusa abikesheje gukina karati ku buryo budasanzwe ibi bikaba byaranamuhesheje itiki izamwerekeza muri Amerika mu mwaka wa 2018 mu kwezi kwa 6 mu irushanwa ryiswe US Open International.

Nufata umwanya ukareba filimi za Jackie Chan na Jaden Smith birashoboka ko wahita ubona bigoranye kuzabona abasimbura b’aba bagabo ariko uko bukeye nuko bwije ku isi hagenda havuka abantu batandukanye kandi bafite impano zitandukanye.

Rabiah Davids ni umwana mutoya cyane w’imyaka 7 gusa y’amavuko kuri ubu umaze gutsindira imidasri igera kuri 5 yose ayikesheje guhangana na bagenzi be mu marushanwa y’abana atandukanye agenda ategurwa ku ishuri yigaho kuri ubu akaba yaramaze guhabwa itiki izamwerekeza muri Amerika guhatana mu marushanwa y’abana ateganyijwe mu kwezi kwa 6.

Rabiah Davids ngo mu gukina karati kwe, afatira cyane urugero kuri Jaden Smith nkuko bitangazwa n’ababyeyi be. Fatima Davids w’imyaka 35 y’amavuko ari na we ubyara uyu mwana w’umukobwa avuga ko nawe yatangariye impano y’umwana we nyuma yo kubona ibikorwa akora anagendeye ku bikombe amaze kwegukana byose.

Fatima Davids yagize ati “ buri gihe umwana wacu aba afite ishyaka ryinshi cyane ari byo byatumye natwe nk’ababyeyi be tubimufashamo kugira ngo akomeze yagure impano kandi bidutera ishema cyane”.

PNG - 597.2 ko
Rabiah Davids w’imyaka 7 y’amavuko gusa


Rabiah Davids usanzwe ari we mwana mukuru mu muryango we ngo asanzwe yitoreza muri Club yitwa hukokai Karate Club iherereye mu gace ka Mitchells Plain muri Amerika. Uyu mwana yinjiye mu irushanwa bwa mbere mu kwezi kwa 4 aho yanahise aryegukana nta nkomyi.

PNG - 694.1 ko
Rabiah Davids umaze kwegukana imidari 5 yose ya zahabu


Mu mezi 10 gusa ku kigo yigaho cya Liesbeeck Primary School, Rabiah Davids amaze kwegukana imidari 10 yose ya zahabu ndetse n’indi itandukanyenta wundi mwana n’umwe bahanganye ukozemo.

PNG - 1013.6 ko
Rabiah Davids yahawe umudari wa Zahabu ari kumwe n’umubyeyi we n’abavandimwe bishimye cyane


Nyuma yo kubona ubuhanga buhanitse uyu mwana akoresha mu gukina karati, byatumye Rabiah Davids atorasnywa mu bana bazitabira irushanwa ry’abana ryo ku rwego rw’isi ryitwa US Open International Sport Karate and Kickboxing Association (ISKA) World Championships rizaba mu mwaka wa 2018 mu kwezi kwa 6.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo