Jay z yemeye ko yaciye inyuma Beyonce

Umurimbyi Jay z wamamaye mu njyana ya rap yemeje bidasubirwaho ko mu myaka icyenda yatambutse yigeze gucikwa agaca inyuma umugore we Beyonce w’abana babiri.

Ibi abitangaje nyuma y’iminsi mike bivugwa ko mu rugo rwa Jay z na Beyonce batacyumvikana.

Inkuru iri ku rubuga rwa Dail Mail iva kuri The New Times iravuga ko Jay z yigeze guca inyuma umufasha we ariko ngo byatewe n’uburyo bari babanye muri iyo minsi.

Mu myaka umunani bamaranye babana bafitanye abana babiri.

Mu minsi ishize byagiye bivugwa ko baba bafitanye ibibazo bituma batarebana neza mu rugo ariko impande zombi zikirinda kugira byinshi batangaza.

Jay z yabwiye New York Times ko hashize imyaka icyenda aciye inyuma umugore we.Yagize ati : “ Hari igihe kigera mu rugo bikanga ariko ukaba utabivamo, iyo icyo gihe kigeze kandi ntawubasha kwegera undi nanjye byambayeho ngeza aho nsha inyuma uwo twashakanye.”

Uyu muhanzi kandi yanavuze ko yabuze uko abitangaza akanabinyuza mu ndirimbo aherutse gushyira hanze yise ‘4:44’ ariko ko yabivuzeho mu buryo bwa gihanzi kuburyo atari buri wese wari kubyumva.

Abajijwe ibijyanye n’umwirondoro w’umukobwa yaryamanye nawe, Jay z yirinze kugira byinshi avuga ahubwo atangaza ko muri iyo ndirimbo yanaririmbyemo umugore we akamwita ‘Becky umukobwa w’imisatsi myiza’

Yakomeje avuga ko we n’umugore we bakomeje kwiyunga kandi ko hari na Album bari gutegurira hamwe kuburyo ikorwa ryayo rizasozwa biyunze.

Ku bijyanye n’umubano we na Kanye West yatangaje ko ari umuvandimwe we kandi ko ubushuti bwabo bukomeye,ati : “Kanye yinjiriye mu muziki muri Label yanjye. Bityo rero iteka mpora ndi nka mukuru we nubwo buri wese aba ashaka ihangana na mukuru we.Gusa twese turakundana ndetse twubaha impano yaburi umwe, bisa nkaho twese tuba dushaka kuba umwiza kurusha abandi ku isi.”

Ubwo Serena Williams yarushingaga nibwo Kim na Beyonce bafotowe bishimangira umubano mwiza nubwo byavugwaga y’uko batangiye gushwana.



Tanga igitekerezo kuri iyi nkuru



Igitekerezo