Imisifurire idahwitse yatumye nta mwongereza n’umwe uzasifura mu gikombe cy’Isi cy’uyu mwaka

Akanama gashinzwe imyitwarire y’abasifuzi mu ishyirahamwe ry’umupira w’amaguru ku isi (FIFA) kamaze kugenzura neza imyitwarire y’abasifuzi bo mu gihugu cy’u Bwongereza, kamaze kwanzura ko mu mikino ya nyuma y’Igikombe cy’Isi kizabera mu Burusiya, nta musifuzi n’umwe wo mu gihugu cy’u Bwongereza uzagaragara muri iyi mikino.

Ni ikimwaro gikomeye ku gihugu nk’u Bwongereza gifite Shampiyona abantu benshi bemeza ko ariyo ikunzwe ndetse inateye imbere mu buryo bwose kubura umusifuzi n’umwe mu gikombe cy’Isi nyuma y’Intambara y’Isi ikintu cyafashwe nk’amateka akomeye mu mupira w’amaguru ku Isi ndetse by’umwihariko mu gihugu cy’u Bwongereza.

PNG - 699.7 kb
Ni ikimwaro gikomeye ku Bwongereza kubura umusifuzi n’umwe mu gikombe cy’Isi


Umusifuzi Mark Clattenburg wahagaritse gusifura muri Shampiyona y’u Bwongereza (Premier League) mu mwaka ushize wa 2017, niwe utaraburaga mu basifuzi batoranywaga na FIFA mu myaka ibiri ishize gusa nawe kuri iyi nshuro ntiyatoranyijwe mu bazasifura igikombe cy’Isi cy’uyu mwaka kubera amakosa amwe n’amwe yagiye amugaragaraho y’imisifurire mibi ndetse no gushyirwa mu majwi ko hari amafaranga yagiye arya ngo asifure nabi.

Kimwe na bagenzi be barimo Martin Atkinson na Andre Marriner b’imyaka 46 y’amavuko nabo ntibagaragara mu basifuzi bazitabazwa mu mikino ya nyuma y’Igikombe cy’Isi kuko bo amaze kujya mu kiruhuko cy’iza bukuru.

Michael Oliver ufatwa nk’umusifuzi ukiri mutoya muri Premier League nawe ntiyaje mu basifuzi bazasifura imikino y’Igikombe cy’Isi kubera imyitwarire mibi yagiye imuranga mu mikino imwe n’imwe yagiye asifura.

PNG - 1.1 Mb
Michael Oliver utazagaragara mu mikino y’Igikombe cy’Isi mu Burusiya yagiye ashinjwa imisifurire mibi


Abasifuzi 4 bo mu gihugu cy’u Bwongereza bagiye bahabwa ibihano kubera imyitwarire mibi cyane cyane mu mikino ya nyuma y’Igikombe cy’Isi kurusha ikindi gihugu icyo aricyo cyose ku isi, urugero ni Howard Webb uheruka gusifura mu gikombe cy’Isi muri 2010 cyabereye ku mugabane wa Afurika mu gihugu cya Afurika y’Epfo.

PNG - 735 kb
Bamwe mu basifuzi bagiye bafatirwa ibihano bikakaye kubera imisifurire idahwitse


Clive Thomas wakunze gusifura imikino ya nyuma y’Igikombe cy’Isi mu myaka ya 1974 na 1978 we yavuze ko abasifuzi bakwiye kuzamura urwego rwabo mu misifurire kugira ngo bage bagirirwa ikizere.

Yagize ati “akenshi wasangaga tuyoboye abasifuzi cyane nka Jack Taylor wabaga ari uwa mbere none ubu usanga tuza inyuma”.

Yakomeje agira ati “muri iki gihe usanga abasifuzi bo muri Premier League bakora amakosa menshi”.

“Birashoboka ko wenda amakosa bakora yaba ahanini aterwa n’ikoranabuhanga rikoreshwa mu gufasha abasifuzi bituma badafata icyemezo batekereje”.

Imisifurire mibi mu mupira w’amaguru, ni ingingo ikunzwe kugarukwaho cyane hibazwa rimwe na rimwe impamvu bidacika gusa bamwe bakavuga ko kuba igihugu nk’u bwongereza kibuze umusifuzi n’umwe mu mikino y’Igikombe cy’Isi ari isomo ku bihugu byose by’umwihariko ku basifuzi kugira ngo bikubite agashyi dore ko hadasiba no gukurwaho amwe mu makarita bamwe baba batanze nyuma yo gusuzuma uburyo aba yatanzwemo hagasangwa habayeho kurenganya abakinnyi.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo