Hategekimana Bonaventure ’Gangi’ wakiniye Amavubi yitabye Imana

Hategekimana Bonaventure ’Gangi’ wabaye myugariro ukomeye mu makipe atandukanye mu Rwanda no mu ikipe y’igihugu Amavubi yapfuye mu ijoro ry’uyu wa kabiri rishyira kuwa gatatu, iri rikaba ari na ryo Ndikumana Hamad katauti yapfuyemo.

Amakuru akomeje gucicikana avuga ko Gangi yaguye mu Bitaro bya Kabutare biri mu Karere ka Huye, aho yari amaze amezi abiri nyuma y’igihe kinini yari maaze arwariye mu bitaro bya Gisenyi.

Inkuru y’urupfu rwa Gangi, Kigali Today yayahamirijwe na Mushiki we wo kwa Se wabo witwa Uwamahoro Liliane, watangaje ko iyo nkuru bayimenye mu masaha ya saa cyenda z’ijoro rishyira mu rukerera rwo kuri uyu wa gatatu tariki ya 15 Ugushyingo.

Ati "Ni byo twakiriye inkuru y’akababaro ibika urupfu rwe mu gitondo saa cyenda zo kuri uyu wa gatatu, yari amaze amezi abiri arwariye i Butare mu bitaro bya Kabutare, hari hashize igihe abaganga bansabye gutaha kuko Gangi yari arembye bityo bamujyana mu cyumba cye wenyine."



Tanga igitekerezo kuri iyi nkuru



Igitekerezo