Hamisa Mobetto yeruye abwira Diamond ko ajya amukumbura

Abicishije ku mbuga nkoranyambaga akoresha, Hamisa Mobetto yeruye avuga ko ajya akumbura umuhanzi Diamond Platnumz dore ko banabyaranye icyakora yongeraho ko nubwo amukumbura atakimukeneye.

Uyu munyamideli (Hamisa Mobetto) wo muri Tanzaniya utarasibye guterana amagambo n’umugore wa Diamond, Zari Hassan (The Boss Lady) nawe ubana n’uyu muhanzi mu buryo butemewe n’amategeko kuko batasezeranye, atangaje ibi mu gihe hari hashize iminsi adacana uwaka na Zari bapfa uyu muhanzi.

PNG - 504.9 ko
Ubu ni ubutumwa butandukanye Hamisa Mobetto yanditse kuri Snapchat ye


Hamwe yagize ati ” rimwe na rimwe njya ngukumbura ariko umutima wange ntugikeneye gukomereka nkuko byahoze”.

Hamisa Mobetto w’abana babiri akunze kumvikana mu mvugo nyinshi ahenshi abwira Diamond ibi akabipfa cyane na Zari Hassan nawe udakunze kuripfana cyane cyane akoresheje imbuga nkoranyambaga zitandukanye akoresha.

Kuri ubu guterana amagambo hagati ya Hamisa Mobetto na Zari bias nk’ibyatuje ariko kuri ubu bikaba byibazwa niba Zari aratuza kubw’aya magambo yatangajwe n’uyu munyamideri abenshi bemeza ko afite uburanga butangaje ndetse burangaza benshi nkuko bikunzwe kuvugwa mu mvugo z’ubu.

PNG - 855.8 ko
Hamissa Mobetto abenshi bemeza ko arangaza benshi


Kugeza ubu aya magambo yatangajwe na Hamisa Mobetto ntacyo Diamond arayavugaho.

Diamond yabyaranye na Hamisa Mobetto ibintu byababaje cyane Zari Hassan dore ko byageze kure kubera kutabyumvikanaho. Mu minsi ishize hadutse undi mukobwa witwa Tunda nawe waje yiyongera ku bakobwa bakunze kuvuga ko bagiye baryamana n’umuhanzi Diamond.

Uyu Tunda aherutse gutangaza ko yifuza gutwite inda ya Diamond nyamara kandi bikavugwa ko yigeze kugaragara atwite ariko iyo nda ikaza kuburirwa irengero bivugwa ko yayikuyemo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo