Hamisa Mobetto arashinjwa kutonsa umwana yabyaranye na Diamond

Hamisa Mobetto, umunyamideli wo mu gihugu cya Tanzaniya wabyaranye na n’umuhanzi umaze kubaka izina ku isi Diamond aranengwa bikomeye nyuma yo kwigurutsa konsa umwana yabyaranye n’uyu muhanzi.

Nkuko Global Publisher babivuga, Hamisa Mobetto arashijnwa kutita ku nshingano ze nk’umubyeyi kuko umwana yabyaranye na Diamond bakamwita Prince Abdul, abayeho nabi kandi byitwa ko afite ababyeyi be bombi ibintu byanakomeje gutera abantu benshi agahinda bibaza uko uyu mwana arabaho atonka.
Ibi byose bije nyuma y’igihe gito Hamisa abyaye umwana w’umuhungu, umwana yabyaranye n’umuhanzi Diamond Platnumz. Hashize iminsi uyu mugore ajyanye Diamond mu nkiko amurega kutita ku mwana babyaranye aho yanahise asaba ko yajya amuha indezo kubw’amahirwe make urukiko rukaza gutesha agaciro ikirego cye.
Harakekwa ko yaba ari kwigurutsa inshingano zo kurera uyu umwana nyuma y’iki cyemezo cy’urukiko cyane ko yari yatangiye yaka akayabo Diamond ko kwifashisha mu buzima bwe bwa buri munsi.
Uyu mugore akomeje kubabaza abantu abatari bake bitewe n’uburyo akomeje kugaragaraza kutita kuri uwo mwana Prince Abdul. Nyuma yo kubyara Prince Abdul Naseebu, Hamisa amwonsa gake gashoboka kubera guhora mu ngendo za hato na hato zidashira.
Bamwe mu bagize umuryango wa Hamisa batangaza ko nabo ubwabo batiyumvisha ukuntu umubyeyi yasiga umwana w’amezi ane akigendera kandi abizi neza ko uwo mwana akeneye kwonswa.
Uyu mwana Prince Abdul, Hamisa Mobetto yabyaranye na Diamond Platnumz amaze amezi ane gusa avutse.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo