Diamond yafashe umwanzuro wo kwiga amategeko kubera ibyamubayeho

Umuhanzi ukomeye muri Tanzaniya, Naseeb Abdul, uzwi nka Diamod Platnumz yasabye imbabazi kubyo yakoze byo gushyira hanze amashusho ari gusomana n’umukobwa, avuga ko kuba Leta yaramufunze byamuhaye isomo ko agiye kwiga amategeko kandi akayakurikiza.

Nyuma y’amafoto yacicikanye ku mbuga nkoranyamabaga agaragaza Diamond ari gusomana n’undi mukobwa byatumye abenshi bavuga ko nta kwiyubaha kwarimo kandi ko yateshaga agaciro umuco wa Tanzania aribyo byatumye igipolisi cyo muri Tanzania kimuta muri yombi.

Aganira n’Itangazamakuru kuri uyu wa kane, Diamond yemeye ko yakoze amakosa gushyira hanze amashusho y’urukozasoni ariko ko aricyo gihe cyo kwikosora.

Yagize ati, “Hari amashusho ya Videwo anyerekeyeho mbona adakwiye mu byukuri, ugereranije kera n’ubu usanga bitandukanye amashusho dukora ubona haba harimo ayadakwiye bityo rero hagomba kubaho kwihanganirana”

Diamond Platnumz avuga ko ibyo yanyuzemo yaba gufungwa ndetse no kugira isura mbi muri Tanzania bigiye gutuma yiga amategeko kandi akayakurikiza kugira ngo atazongera kugongwa n’ibyo adasobanukiwe.

Mu minsi ishize nibwo Leta yari yafunze Diamond imukurikiranyeho amafoto yashyize hanze byavugwaga ko yica umuco wa Tanzania, ibi kandi byabaye nyuma gato yo guhagarikirwa indirimbo ze byavugwa ko amashusho yazo atesha agaciro umuco w’iki gihugu.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo