Diamond utajya yiburira yamaze kwishumbusha umuzungukazi usimbura Zari

Nyuma y’igihe gito umuhanzi Diamond Platnumz atangaje ko uyu mwaka ugomba kumusiga arongoye kugira ngo ashimishe nyina, kuri ubu yamaze kwishumbusha umuzungukazi utaramenyekana neza inkomoko ye.

Learn how to Thrive

Nyuma ya Videwo umuhanzi Diamond yashyize kuri Instagram ye ari kumwe n’umukobwa w’umuzungu bishimiye bikomeye urugendo barimo, abakunzi ba Diamond ntibihumiriye dore ko bavuga ko bishoboka ko yaba ariwe ugiye gusimbura Zari akamubera umugore.

Muri Videwo Diamond yashyize hanze, uyu mukobwa w’umuzungu yagaragaye yishimiye uyu muhanzi cyane baganira bahuje urugwiro banaseka bari mu modoka berekeza ahantu hataramenyekana neza nkuko ikinyamakuru Tuko cyanditse iyi nkuru kibitangaza.
Mu ntangiriro z’yuu mwaka wa 2018 nibwo uyu muhanzi wigaruriye imitima ya benshi yatangaje ko uyu mwaka ugomba kumusiga arongoye dore ko na nyina abimushyigikiyemo ashaka umukazana usimbura Zari wamwihenuyeho ku wa 14 Gashyantare uyu mwaka.

Bamwe mu bakunzi ba Diamond bavugishijwe karahava nyuma yo kubona iyi Videwo y’umunota umwe dore ko yamaze gukwirakwizwa ku mbuga nkoranyambaga zitandukanye abantu bibaza niba koko uyu muzungu ariwe ugiye gusimbuzwa Zari.
Bamwe mu bakunzi ba Diamond bagize bati “Diamond n’umukunzi mushya”. undi ati “ birangiye Diamond abonye umukunzi mushya bagiye kwambikana impeta vuba cyane”.

Igitegerejwe ni ukumenya niba koko uyu muzungukazi utaramenyekana bisesuye azasimbura Zari bakanambikana impeta n’uyu muhanzi dore ko yatangaje ko agomba kurongora bitarenze uyu mwaka kugira ngo anashimishe nyina.

Ikindi hategerejwe icyo Zari Hassan azatangaza nyuma yo kubona iyi Videwo ya Diamond ari kumwe n’uyu mukobwa w’umuzungu.

PNG - 614.6 kb
Ku munsi w’Abakundana uzwi nka Saint Valentin wizihizwa tariki ya 14 Gashyantare buri mwaka, nibwo Umuherwekazi Zarinah Hassan yeruye ku mugaragaro ko atandukanye na Diamond nyuma yo kurambirwa ubushurashuzi bwe none budakeye kabiri uyu muhanzi utajya yiburira ku bijyanye n’inkumi yishumbushije Umuzungukazi

Iyi Videwo Diamond yashyize kuri Instagram ye niyo yavugishije abatari bakeya:

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo