Bidasubirwaho umuhanzi Diamond yemerewe gushinga Radiyo na Televiziyo

Ibiro bya Ministeri ishinzwe Itangazamakuru, Umuco na Siporo ndetse n’Ubukerarugendo mu gihugu cya Zanzibar byamaze kwemerera mu buryo budasubirwaho umuhanzi Diamond Platnumz gushinga Radiyo na Televiziyo nkuko yari yabyifuje.

Nta gihe kinini cyari giciyemo Diamond aherekejwe na bagenzi be bakorana mu nzu ya Wasafi Record bafashe inzira bagana mu gihugu cya Zanzibar aho icyicaro gikuru cya Wasafi Tv na Wasafi Fm bizaba bibarizwa maze bajya guhura na Minisitiri ushinzwe Itangazamakuru, Umuco, Siporo ndetse n’Ubukerarugendo muri Zanzibar witwa Rashid Ali Juma aho yari agiye kubashyikiriza ibyangombwa bibemerera gutangiza igitangazamakuru cyabo kigizwe na Television na Radio bya Wasafi Record muri Zanzibar.
Minisitiri Rashid Ali Juma ashyikiriza ibyangombwa byemerera Wasafi Tv Wasafi Radio gukorera muri Zanzibar, Diamond mu butumwa burebure yashyize kuri Instagram ye yashimiye abayobozi ba Tanzania na Zanzibar by’umwihariko Perezida John Pombe Magufuli wa Tanzania na Perezida Ali Mohammed Shein wa Zanzibar.
Diamond wari uherekejwe na mugenzi we w’umuhanzi ubarizwa muri Label ya Wasafi ariwe, Harmonize, yakomeje ashimira byimazeyo abayobozi b’ibihugu byombi bya Tanzania na Zanzibar maze aboneraho no guhishura intego nyamukuru yatumye atekereza gushinga Television na Radio bya Wasafi aho yavuze ko ari uguha agaciro abatumye baba abo baribo kuri ubu babaha akazi mu nzu ya Wasafi ndetse usibye n’ibyo batanga umusanzu mu kuzamura urwego rw’itangazamakuru mu gihugu cyabo ndetse ndetse n’impano zigiye zitandukanye z’abantu benshi.
Kugeza ubu Diamond Plunumz abaye umwe mu bahanzi bagize Televiziyo zabo kuri uyu mugabane wa Afurika.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo