Amakipe yaraye ageze muri 1/8 cya UEFA Champions League n’uduhigo twaraye duciwe

Mu mikino ya nyuma yo mu matsinda mu mikino ya UEFA Champions League yaraye ibaye mu ijoro ryo kuri uyu wa gatatu, amwe mu makipe yaraye akomeje muri 1/8 andi yerekeza muri UEFA Europa League kimwe nuko hari ayatashye amaramasa. Muri iyi mikino hari n’abakinnyi batandukanye bagiye baca uduhigo dutandukanye.

Duhereye kuri rutahizamu w’ikipe ya Real Madrid ukomeje gukora amateka yo guca uduhigo dutandukanye mu mikino ya UEFA Champions League nyuma y’aho mu ijoro ryakeye yakoze agahigo ko gutsinda igitego muri buri mukino w’amatsinda ya Champions League y’uyu mwaka.

PNG - 1 Mo
Cristiano Ronaldo wa Real Madrid ukomeje kwandika amateka muri Champions League


Mu ijoro ryo kuri uyu wa Gatatu ubwo Real Madrid yatsindaga Borussia Dortmund 3-2, Cristiano Ronaldo wa Real Madrid yatsinze igitego 9 cya cyenda mu mikino 6, bituma aca agahigo ko kuba umukinnyi wa mbere mu mateka utsinze igitego muri buri mukino wo mu itsinda mu mwaka umwe w’imikino.

Si Cristiano Ronaldo wenyine wakoze amateka kuko na Philipe Coutinho wo muri Bresil ukinira ikipe ya Liverpool yakoze amateka yo gutsinda ibitego 3 bye bya mbere bikunze kwitwa hat-trick mu mukino ikipe ye yanyagiyemo itababariye ibitego 7-0 ikipe yo mu gihugu cy’u Burusiya yitwa Spartak Moscow.

PNG - 830.9 ko
Philipe Coutinho waraye atsinze ibitego 3 mu mukino (hat-trick)


Shampiyona yo mu gihugu cy’u bwongereza kandi nayo yongeye gukora amateka yaherukaga mu mwaka wa 2004 yo kugira amakipe 4 by’umwihariko anazamutse ayoboye amatsinda muri 1/8 cya UEFA Champions League uretse Chelsea yazamutse ari iya 2.

Tombola y’uko amakipe azahura mu mikino ya 1/8 cy’irangiza iteganyijwe ku wa mbere Tariki ya 11 Ukuboza,ikazabera ku cyicaro cya FIFA i Nyon mu gihugu cy’u Busuwisi.

Amakipe yose yageze mu mikino ya 1/8 cya UEFA Champions League :

1. Manchester United
2. FC Basel
3. PSG
4. Bayern
5. Roma
6. Chelsea
7. Barcelona
8. Juventus
9. Liverpool
10. Sevilla
11. Man City
12. Shakhtar Donetsk
13. Besiktas
14.Porto
15.Tottenham
16. Real Madrid

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo