Abakinnyi bakina Basket ba Amerika bafashwe bibye mu Bushinwa

Abakinyi batatu bakina umukino w’intoki uzwi nka Basketball bo muri Leta Zunze Ubumwe za Amerika bafashwe biba mu iduka ryo mu gihugu cy’u Bushinwa. Aba bakinnyi barekuwe hishyuwe amafaranga nkuko itangazmakuru ryo muri Amerika ryabivuze.

Abo bakinyi ba "University of California, Los Angeles" (UCLA), bafashwe biba mu iduka rya Louis Vuitto nkuko ikinyamakuru ESPN kibivuga.

Umwe muri aba bakinnyi ni uwitwa LiAngelo ukomoka mu muryango uzwi cyane kuvamo abakinnyi ba Basketball kuri ubu ukaba unafite abakinnyi bakina muri Los Angeles Lakers nka Lonzo Ball na se wabo uzwi cyane muri uyu mukino ari we LaVar Ball.

Ikipe ya University of California Los Angeles (UCLA) iri mu gihugu cy’u Bushinwa mu mikino yo kwitegurira irushanwa ribahuza n’ikipe yo muri Amerika, Georgia Tech.
Ibi byahuriranye nuko Perezida Donald Trump ari mu rugendo mu gihugu cy’u Bushinwa.

Abo bakinyi bafatiwe mu mugi wa Hangzhou ni Cody Riley, LiAngelo Ball na Jalen Hill, nkuko ayo makuru avuga. Nyuma ikinyamakuru ESPN cyavuze ko abo bakinnyi batatu baje kurekurwa ariko bamaze gutanga amafaranga basabwaga.
Mu itangazo ryohererejwe ibigo bitandukanye by’itangazamakuru muri Amerika, umuvugizi wa UCLA, Shana Wilson yagize bati "Twabonye amakuru ajyanye n’abanyeshuli bacu bafatiwe i Hangzhou mu Bushinwa”. Shana Wilson yongeyeho ko bitewe nuko Kaminuza aba bakinnyi bigamo iri kuvugana n’ubutegetsi kuri icyo kibazo, nta byinshi afite byo kuvuga kuri icyo kibazo.

Abanyeshuli batatu ba Georgia Tech nabo bari batawe muri yombi nyuma baza kurekurwa nkuko Kaminuza yaho yabivuze mu itangazo yasohoye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo