Ababyeyi be bishwe na SIDA, bimutera gukora imyenda mu dukingirizo

Felicite Luwungu, umuhanzikazi akaba n’umunyamideri wo mu gihugu cya Repubulika Iharanira Demokarasi ya Kongo (RDC) yavugishije abantu amangambure nyuma yuko akoze imyenda mu dukingirizo ngo we agamije ko abantu bamuvuga ariko anabakangurira kwirinda icyorezo cya SIDA ari nacyo cyahitanye ababyeyi be.

Uyu munyamideri witwa Felicite Luwungu yavuze ko iyi myenda yakoze atari yo kugurisha ko aicyo agamije ari ukugira ngo akangure abantu bavuge ariko anabigishirizemo kwirinda icyorezo cya SIDA kugeza ubu kitarabonerwa umuti.

Felicite yaganiriye BBC dukesha iyi nkuru agira ati “Nabuze abantu bo mu muryango wanjye bishwe n’agakoko gatera SIDA. Nashakaga gukangurira abantu kwirinda indwara zandurira mu mibonano mpuzabitsina na HIV.”

Kimwe n’ibindi bihugu byinshi bya Africa imibonano mpuzabitsina ni igikorwa cy’ibanga.

Luwungu akavuga ko bigumye gutyo, bizagorana gusobanurira abantu ko bagomba kwikingira bagakora imibonano ikingiye (safe sex).

Gusa, ku rundi ruhande nyuma yo kubona aya mafoto, hari abanye-Congo bavuze ko Luwungu yarengereye cyane.

PNG - 515.7 ko
Abanye-Kongo ntibavuga rumwe kuri iyi myenda


Umunyeshuri muri Kaminuza i Kinshasa witwa Freddy ati “Umuntu yambaye ikintu nk’iki mu ruhame cyangwa ahantu hari abana bato…bizabangamira/bizababaza abantu. Byakabaye byiza habayeho ubundi buryo bwo guha abaturage amakuru (ku kwikingira).”

Mushikiwe witwa Benie we yavuze ko akibyumva mbere ya byose yumvaga ashaka kureba umwenda ukoze mu dukingirizo.

PNG - 581.2 ko
Ntibisanzwe kubona imyenda ikoze mu dukingirizo


Ati “Kuko ni umwimerere (original). Ni igitekerezo yitekerereje ubwe. Nakunze cyane akazi yakoze aterateranya utu dukingirizo nk’uko yabikoze. Ni byiza cyane.”

Luwungu ngo ntatewe impungenge n’abamunenga kubera ibyo yakoze. Dore ko ngo n’ubundi abantu bamufasha cyane ari inshuti n’umuryango.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo