APR FC igiye gutozwa n’umutoza watwaye UEFA Champions League

Nyuma yuko ikipe ya Rayon Sports ikuye umutoza Ivan Minaert mu bushomeri umusimbuza Karekezi Olivier wigiriye kureba umuryango we muri Suwede ataye akazi, ikipe ya APR FC nayo bitunguranye yamaze gusimbuza uwari umutoza wayo Jimmy Mulisa Umunya-Serbia Dr Ljubomir "Ljupko" Petrović watwaye igikombe cy’amakipe yabaye aya mbere ku mugabane w’I Burayi UEFA Champions League, ugarutse muri iyi kipe nyuma y’imyaka 2 ayivuyemo.

Learn how to Thrive

Uwahoze atoza ikipe ya APR FC umunya Serbia Dr Ljubomir "Ljupko" Petrović, yayigarutsemo nyuma y’imyaka 2 ayivuyemo aho aje gusimbura Jimmy Mulisa wari umutoza mukuru.

PNG - 401.5 kb
Uwari umutoza wa APR FC wamaze gusimbuzwa nyuma yo kunanirwa gutsinda ikipe ya Miroplast banganya ubusa ku busa


Petrovic yavuye muri APR FC mu buryo butavuzweho rumwe kubera kutavuga rumwe n’ubuyobozi bwayo ,ariko agarutse muri iyi kipe y’ingabo z’igihugu aho agomba kungirizwa n’uwitwa Radanavic Miodrag yizaniye gusa bazafatanya na Jimmy Mulisa na Bizimana Didier.

PNG - 661.4 kb
Umutoza Dr Ljubomir "Ljupko" Petrović watwaye igikombe cy’amakipe yabaye aya mbere ku mugabane w’I Burayi UEFA Champions League niwe usimbuye Jimmy MULISA


Nkuko amakuru dukesha ikinyamakuru Ruhagoyacu abitangaza, uyu musaza w’imyaka 70 y’amavuko yageze i Kigali mu rukerera rwo kuri uyu wa kane, saa 01H00 yakorwa ku kibuga cy’indege n’umunyamabanga mukuru w’iyi kipe Kalisa Adolphe Camarade.
Inshingano ahanini uyu mutoza bamuhaye, ni ugufasha ikipe ya APR FC kwitwara neza mu mikino ya CAF Confederations Cup.

Petrovic wavuye muri APR FC akayisigira Dusan bivugwa ko yari umutetsi we, yatwaye igikombe cy’amakipe yabaye aya mbere ku mugabane w’I Burayi UEFA Champions League ari kumwe na Crvena Zvezda (Red Star Belgrade) nayo yo muri Serbia mu mwaka wa 1991.

APR FC isimbuje uwari umutoza wayo Jimmy Mulisa mu gihe na mukeba wayo Rayon Sports kuri uyu wa gatatu tariki 28 Gashyantare 2018 guhera saa kumi n’imwe (5:00pm) habaye inama yahuje abayobozi b’amatsinda y’abafana ba Rayon Sports (Fan Clubs), Imena za Rayon Sports ndetse n’ubuyobozi bwa Rayon Sports, iyi nama ibera mu Nzove ku ruganda rwa SKOL, umufatanyabikorwa mukuru w’iyi kipe yafatiwemo umwanzuro wo gusimbuza uwari umutoza mukuru wabo Karekezi Olivier.

PNG - 993.3 kb
Uretse APR FC, Rayon Sports nayo yakuye umutoza Ivan Minaert mu bushomeri umusimbuza Karekezi Olivier wigiriye kureba umuryango we muri Suwede ataye akazi
PNG - 996 kb
Karekezi Olivier utari wishimiwe muri Rayon Sports yamaze gusimbuzwa Ivan Minaert

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo