Serugo Jacques: Itaranto nshya mu muziki wa Gospel mu Rwanda

Nyuma y’imyaka 5 akurikira uko umuziki waririmbiwe Imana mu Rwanda ukorwa, Serugo Jacques uri mu masomo ye mu Buholande, yafashe icyemezo cyo kwinjira mu muziki waririmbiwe Imana ngo ahanyuze ubutumwa.

Mu gihe kingana n’imyaka 5 agerageza kumva uburyo umuziki wo mu Rwanda ukorwa ndetse n’imiterere y’ibihangano, Jacques avuga ko mu Rwanda hari abahanzi benshi bafite impano y’igitangaza mu kuririmba indirimbo zihimbaza Imana bakurikirwa hafi ku isi yose.

Muri abo atangazwa cyane na Israel Mbonyi wamenyekanye mu myaka micye ishize, ariko ubu akaba amaze kugera ku rwego rukomeye, ndetse ngo ntiyatinya kuvuga ko ari umwe mubo afatiraho icyitegererezo.

Jacques Serugo avuga ko ajya kwinjira muri uyu muziki, yabanje kwiga gucuranga bimwe mu byuma bya muzika birimo na Guitar, animenyereza kwiyandikira indirimbo, naho kugorora ijwi no kuririmba byo ngo byaturutse mu myitozo yikoresha buri munsi, kubera kumva indirimbo zitandukanye zihimbaza Imana.

Avuga ko mu mwaka ushize aribwo yagize igitekerezo cyo kuva mu Buhorandi akerekeza mu Bubirigi gukorana na Producer Didier Touch, umunyarwanda ufite studio ikunda gukorera abandi banyarwanda baba mu burayi barimo na Kitoko.

Agira ati “Nari maze igihe nshaka kugerageza amahirwe yo kwinjira mu muziki, njya gushaka Didier kuko najyaga numva ko ariwe ukorera abanyarwanda batandukanye baba mu burayi, ankorera indirimbo ebyiri nahereyeho. Navuga ko nari ngifite ubwoba nibaza uko abantu bazabyakira, ariko naje kuzishyira hanze abantu bazakira neza.

Serugo Jacques ubu ari mu biruhuko mu Rwanda, ubu yamaze gushyira hanze indi ndirimbo nshya yitwa “NTIRUGERERANYWA”. Indirimbo yumvikanisha icyo yita urukundo rw’Imana ruhebuje ikunda abantu bayo n’u Rwanda by’umwihariko.

Nyuma y’imyaka 5 ari mu mahanga, avuga ko yatunguwe cyane no kubona aho u Rwanda rugeze mu iterambere, agashimira ubuyobozi bw’igihugu na Prezida kagame watumye mu mahanga basigaye bamwita umwana wo kwa Kagame.

Asa n’utebya, Jacques ati “birantangaza cyane iyo umuntu ambajije aho nkomoka, aratungurwa cyane iyo mubwiye ko ari mu Rwanda. Ako kanya ahita ambwira ngo ndi uwo kwa Kagame nkumva bimpesheje agaciro n’ishema, kandi ibi nabyo biri mu bimpa inganzo yo kuririmbira Imana”.

Muri iki gihe ari mu karuhuko mu Rwanda, Serugo avuga ko ahugijwe no kwandika izindi ndirimbo, akanazitunganya mu buryo bw’amajwi, kuburyo mu minsi micye asigaje, azatunganya indirimbo 3 cyangwa 4 azasigira abanyarwanda asubiye ku masomo.
Serugo Jacques ni muntu ki?

Yitwa serugo Jacques akaba aba mubuholland ni umunyeshuri mu ishami rwa logistics akaba ari umuhanzi wandika indirimbo.

Iyo arimo kuganira nishuti ijambo ry’ Imana ashobora gukuramo indirimbo cg ari gusoma bibiliya cg ibitekerezo byabantu akantu kose kabaye aba ashobora gukuramo indirimbo

Azi gucuranga piano na guitar

Ntibiba bimworoheye gukora umunziki ubifatikanya no kwiga gusa iyo abonye akanya ahita afata guitar agakomeza gukora indirimbo.

Akunda kumva indirimbo zigiye zitadukanye cyane cyanee iza Uwimana Aime, pappy clever na chris tomlin

Umva indirimbo Ntirugereranywa ya Serugo Jacques hano:


Travel for Free!


Tanga igitekerezo kuri iyi nkuru



Igitekerezo