Humura mwana wanjye live Concert

Ubudasa n’ikitegererezo ku muziki uririrmbirwa Imana mu Rwanda, Kwibutsa uko Imana ikura ku cyavu igaterwa umugongo aho kuyigumaho, guhindurirwa amateka ni bimwe mubyo umuhanzi Timamu Jean Baptiste ahamya ko bitegerejwe mu gitaramo kidasanzwe yise “Humura mwana wanjye Live Concert” agiye gukorera muri Dove Hotel ku Gisozi tariki ya 3/12/2017.

Timamu Jean Baptiste n’umwe mubahanzi nyarwanda baririmba indirimbo zo kuramya no guhimbaza Imana bakanyujijeho muri muzika Nyarwanda ,uyu akaba yaratangiye kumenyekana cyane mu myaka ya 2006 biturutse ku gikundiro k’indirimbo ye yise „Humura mwana wanjye“ yitiriye Album ye ya mbere.

Uyu muhanzi warumaze igihe kitari gito asa n’utagaragara mu ruhando rwa muzika usibye kwitabira ibitaramo byateguwe n’abandi kuri ubu atangaza ko nyuma yo kuba yari ahugiye mu zindi gahunda z’ubuzima, ubu noneho ari gutegura igitaramo kidasanzwe kizamurikirwamo Album ye ya kane.

JPEG - 62.7 ko

Agaruka kubyo yari ahugiyemo bigatuma atigaragariza abakunzi be cyane ko ari umwe mu bahanzi bafite abakunzi benshi hano mu Rwanda, mu magambo ye yagize ati, “Usibye gahunda zo gushaka imibereho, ibyo nari mpugiyeho nta bindi n’ubundi n’ibijyanye n’umuziki kuko nari muri Studio ntunganya indirimbo zanjye zizaba zigize Album ya kane kandi ndizerako nkurikije uburyo nabyitondeye zizanyura abantu ndetse kurizo ubu nkaba namaze gushyira hanze indirimbo ebyiri harimo iyitwa Turakomeje na Twaje izindi zikaba zizajya hanze mu gitaramo cyo kumurika Album”.

Iyi niyo Salle ya Dove Hotel izakorerwamo igitaramo “Humura mwana wanjye Concert”

Timamu Jean Baptiste yaboneyeho umwanya wo gutangariza abakunzi be iby’igitaramo ari gutegura mu kwezi kwa k’Ukuboza 2017, nu uko abivuga muri aya magambo, “Ubu ndimo ntegura igitaramo nise “Humura mwana wanjye Live Concert ” kizaba ku italiki ya 3 Ukuboza 2017 kikazabera kuri Dove Hotel ku Gisozi aha ni naho nzamurikira Album yanjye ya kane nise “Turakomeje”, abahanzi bazamfasha ni bamwe mu bantu bafite abakunzi benshi hano mu Rwanda ndetse no muri Afurika.”

Kuririrmba ni umwuga udashoborwa na benshi kandi akaba ari impano itangwa n’Imana nyir’ibiremwa. Iyi mpano kuyibyaza umusaruro, usanga hari benshi byihishe cyane ko bisaba kubishyiramo imbaraga no kutabibangikanya kenshi n’indi mirimo kuko usanga bishobora gutsikamirwa. Nubwo bishobora bake umuhanzi Timamu Jean Baptiste ni umwe mubabasha kubibangikanya n’indi mirimo kandi akaba afite ikizere ko hari aho bizamugeza.

Timamu Jean Baptiste, ni umuhanzi uririmba indirimbo zo kuramya no guhimbaza Imana, wamenyekanye mu ndirimbo nka Humura mwana wanjye, Turakomeje n’izindi. Imyaka isaga icumi irashize yinjiye muri uyu murimo wo kuramya no guhimbaza Imana, akaba amaze gushyira ahagaragara album eshatu, akaba ari gutegura album ya kane, azamurika mu ukuboza 2017.

Timamu yatangiye umwuga wo kuririmba muri 2006, album yambere yasohotse muri uwo mwaka, ikaba yaritwaga “Humura mwana wanjye”, iya kabiri yaje gusohoka muri 2009, yitwa “Wirira’, iya gatatu yasohotse 2013 yayise “Ni wowe byose”. Iya kane kugeza ubu yise “Turakomeje”ikaba izamurikwa mu ukuboza 2017. Izi zose zikaba zari amajwi n’amashusho.

Timamu avugako agareranije na album eshatu zabanje, album ya kane izaza ifite umwihariko kubera ubunararibonye amaze kugira muri uyu mwuga.



Tanga igitekerezo kuri iyi nkuru



Igitekerezo