Dr Frank HABINEZA yavuze ibyo azakora nibamutora umuturage bimukora k’umutima amuha impano

Abaturage bo mu murenge wa Mutanda mu karere ka Gakenke bakiranye urugwiro umukandida wa DGPR Dr Frank Habineza aho bamwemereye ko bazamutora akabakiza inzara maze umwe muri bo ahita amuha impano y’igitoki.

Ubwo uyu mukandida wigenda yasesekaraga ahateganyijwe kubera ibikorwa byo kwiyamamaza, yahawe umwanya ngo avuge imigabo n’imigambi ye abasha gushimisha abari bitabiriye iki gikorwa bigeraho umwe mubaturage wari waje kumva imigabo n’imigambi ye bimukora k’umutima ahita asaba ijambo amuha igitoki ngo nawe ajye kukirya kubera ko ibyo yatangaje yabonye ko bizafasha abanyarwanda cyane.

Dore bimwe mubyo yavuze bikabakora ku mutima harimo ibi bikurikira :

1. Yavuze ko abana b’abanyeshuri ko bazajya barya mu kigo ibyo kurya bitandukanye harimo nko kuzajya barya inyama ndetse n’imbuto.

2. Abarimu baho nabo bazongererwa umushahara

3. Azashyiraho gahunda yo kwigisha mu ndimi zose harimo ikinyarwanda, igifaransa nsetse n’icyongereza kandi akomeza avuga ko bizateza imbere igihugu bitewe nuko abanyeshuri bazajya bamenya kuvuga neza indimi zose. 4. Yemeye ko azabaha umuhanda mwiza cyane ndetse akazabasha kububakira isoko ryiza ryikitegererezo rya mashya

5. TVA nayo azayigabanya ayivane kuri 18% ayishyire kuri 14%

6. Azagarura caguwa mu Rwanda

7. Abakobwa bakuyemo inda bakaba bafunzwe ko nabo azabaha imbabazi bagafungurwa kubera ko n’abazibateye ko baba batarafunzwe.

8. Yavuze ko bazarimbura intusi ziteye mubishanga ahubwo bakabasha guteramo ibiti bidakamura amazi.

9. Azateza imbere ubukerarugendo

10. Yivuzeho nawe ubwe kukibazo cy’umuryango we cyerekeranye na Mituelle de sante ko amaze ibyumweru 2 yarishyuye ariko akaba arayihabwa igize umuryango we asoza avuga ko namara gutorwa ko buri muturage wese uzajya uba yamaze kuyihabwa ko izajya ihita itangira gukora ako kanya akimara kuyifata.



Tanga igitekerezo kuri iyi nkuru



Igitekerezo