Abavuzi gakondo bari kujya gukorera hanze y’u Rwanda Dr Frank Habineza abafitiye igisubizo kirambye

Mu minsi ishize nibwo abavuzi gakondo minisiteri y’ubuzima bamwe muri bo yabafungiye ibikorwa byabo ivuga ko bazira kutagira ibyangombwa ingingo batemeranyagaho, ubu bamwe batangiye kujya gukorera hanze y’igihugu kubera ko ngo mu Rwwanda ntamikorere ihari.

Bamwe muri aba bavuzi gakondo ngo batangiye gutwara ibintu byabo buhoro buhoro bajja gukorera hanze y’u Rwanda mu bihugu by’ibituranyi aho ngo bagiye kugeragereza ubuvuzi gakondo dore ko ngo ho ntawe ukumira umuvuzi gakondo ndetse bamwe ngo bakaba batangiye ko gukirigita ifaranga by’abo mu bihugu by’ibituranyi.

Bamwe mu baganiriye n’Ikinyamakuru,Umubavu.com bavuga ko kuba minisiteri yarabahagarikiye ibikorwa bakoraga byabagizeho ingaruka zikomeye harimo n’igihombo gikAbije yabateje bakaba babonaga ntayindi mpamvu yo gukomeza guhangayikira mu gihugu.

Uwitwa Alex yabwiye umubavu ko we yatangiye gukorera mu gihugu cyo Uganda kandi ko yatangiye kubona amafaranga kuko ngo muri Uganda ntawe ukumira umuvuzi gakondo.

Yagize ati, “ mu Rwanda barakabya ubu ndi muri Uganda kandi abantu baraza nkabavura ntakibazo ndagirana n’ubuyobozi bwaho kuko ho ibyangombwa byaho bigura ibihumbi ijana na Mirongwitanu namaze kubona mu Rwanda ntamikorere ndigendera da ! Inzara yarigiye kunyica”

Mu bandi bavuzi gakondo twaganiriye nabo bavuga ko nabo ubu bamaze kwitegura ko bagiye kujya gukorera hanze y’u Rwanda.

Umukandida uhagarariye w’ishyaka riharanira Demokarasi no kurengera ibidukikije mu matora ya Perezida mu Rwanda,Dr.Frank Habineza agaruka ku kibazo cy’abavuzi gakondo , yavuze ko abafitiye igisubizo kirambye ndetse ko yiteguye kubashyiririraho uburyo bwo gutunganya imiti bakoresha mu buvuzi bwabo.

Yagize ati, “Abavuzi gakondo nabo ubu bafite ibibazo basa n’aho babaciye burundu bavugako abavuzi gakondo bagomba kujya gukorera mu bitaro kandi n’ibintu bidashobora kubangikanwa gakondo yabayeho mbere y’uko ibitaro biza kandi ibaho n’ahandi no muri Amerika ibayo no mubushinwa naho bibayo usanga bakora imiti bakaza kuyigurisha hano mu Rwanda kandi ihenze kandi abazungu baraza bakayikura hano ahobayikura ndahazi.”

Akomeza avuga ko imiti abazungu bayikura mu Rwanda bakayijyana i Burayi barangiza bakaza kuyitugurisha kandi ihenze cyane avuga ko kandi abanyarwanda nibamutora azazahura ubuvuzi gakondo.

Mu minsi yashize nibwo minisiteri y’ubuzima yafashe icyemezo cyo guhagarika ibikorwa bya bamwe mu bavuzi gakondo ivugako imiti yabo iba idatunganyije neza ivuga babanza kuyitunganya.

Umubavu.com



Tanga igitekerezo kuri iyi nkuru



Igitekerezo