Nyuma y’imyaka miliyoni 80, abashakashatsi batahuye igihanga cy’inyamaswa ya Dinosaur gifite amenyo 300

Abashakashatsi bakaba n’abahanga mu by’isanzure n’amazi magari bo mu gihugu cya Portugal bakorera mu kigo cyitwa “the Institute for the Sea and Atmosphere”, nyuma y’imyaka miliyoni 80 zose batahuye igihanga cy’inyamaswa yitwa Dinosaur yabayeho mu myaka amamiliyoni ishize. Izi nyamaswa zo muri ubu bwoko zaje kuzimira zibura ku isi kubera ibiza bitandukanye byagiye byibasira isi ndetse n’ibyagiye bituruka mu isanzure. Iki gihanga cya Dinosaur cyatahuwe gifite amenyo 300 yose ndetse inyuma yacyo hari n’ikindi gihanga cy’inzoka.

Nkuko Sic Noticias TV ibitangaza, iki gihanga cya Dinosaur cyabonetse ubwo hakorwaga ubushakashatsi ku buryo hagabanywa uburobyi budakenewe cyane cyane mu gihe umusaruro warenze ukenewe by’umwihariko mu bucuruzi by’uwo musaruro ukomoka ku burobyi.

Nyuma yuko ibi bisigazwa abahanga bise (Tyrannosaurus na triceratops) bibonetse, byajyanwe muri Laboratoire yo muri Portugal birasuzumwa ngo bamenye igihe byaba bimaze bibayeho basanga ni imyaka irenga miliyoni 80. Iki gikanka cyose babonye gifite metero zisaga 700 z’ubugari n’amaguru asaga 2,300.

Umwarimu muri Kaminuza yitwa “the University of the Algarve”, Professor Margarida Castro yatangarije televiziyo ya Sic Noticias ko basanze icyo gikanka cya Dinosaur gifite amenyo 300 yayifashaga mu gukora ibintu byinshi bitandukanye birimo kuroba mu nyanja. Si aya menyo bayisanganye gusa kuko banasanze mu rwasaya rwayo harimo Dinosaur ntoya yari yaragiye ifatisha amenyo yayo.

Ikigo cyo muri Portugal gishinzwe kugenzura ibibera mu isanzure ndetse no mu mazi magari (the Institute for the Sea and Atmosphere), cyo cyatangaje ko iki gikanka cyagaragaye gifite metero 1.5 z’uburebure. Bongeyeho ko bishoboka ko iyi nyamaswa yarimo yoga mu bice bya Algarve.

Iyi Dinosaur basanze yarabaga muri Atlantic no mu mazi by’umwihariko ku nkengero za Australia, New Zealand n’u Buyapani. Basanze kandi iki gihanga cyayo kidapfa kugira icyo kiba bitewe nuko cyabaga ahantu hakonje cyane.
Si ubu bushakashatsi aba bahanga bakoze gusa kuko no mu gihugu cy’u Bushinwa bahavumbuye ibisigazwa by’amagufwa y’umuntu bimaze imyaka 5000 yose nkuko bigaragara ku ifoto.

Nubwo ibi byos byakozweho ubushakashatsi ngo gusa nta wakwemeza nyirizina imyaka inyamaswa zo mu bwoko bwa Dinosaur zabayeho kuko ibivugwa byose biba ari ukugereranya bitewe nuko nta muntu wabayeho mu myaka ivugwamo izi nyamaswa waba akiriho.

Aba bashakashatsi bakomeje kugenda babona ibintu bitandukanye byagiye bibaho mu myaka yak era cyane aho banabonye ibisigazwa bya zimwe mu nzoka ziberagaho mu myaka yak era cyane cyane muri Leta Zunze Ubumwe za Amerika ku mucanga w’I Texas.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo