Convention center igihe izafungurirwa cyamenyekanye

Inyubako Kigali Convention center (KCC) izakira inama y’abakuru b’ibihugu izafungura ku mugaragaro mu cyumweru cya mbere cy’ukwezi kwa Nyakanya.

Ibi bikaba byatangajwe na Minisitiri w’Ububanyi n’Amahanga Louise MUSHIKIWABO kuri icyi gitondo mu kiganiro n’abanyamakuru cyavugaga iby’inama y’abakuru b’ibihugu izaba ku nshuro ya mbere mu Rwanda.

JPEG - 144 ko

Mu bindi byatangajwe ni ugutanga Visa ku buntu ku bihugu biri muri AU , Minisitiri yagize ati” Twahisemo gutanga visa ku muntu wese ugeze mu gihugu kuko twungukira mu korohereza urujya n’uruza rw’abatuye Afurika yacu”.

Yanakomeje avuga aho imyiteguro yo kwakira iyi nama aho igeze yahize ati” Twiteguye kwakira abasaga 3000 bazitabira iyi nama. Turimo gukora imirimo ya nyuma yo gutunganya aho tuzabakirira”.

Buteganyijwe ko iyi nama ya 27 ya AU izabera I Kigali kuva taliki ya 17 na 18 Nyakanga 2016 muri Kigali Convention Center ikazitabirwa n’abakuru b’ibihugu bya Afrika.



Tanga igitekerezo kuri iyi nkuru



Igitekerezo