Tuniziya : Minisitiri w’Ubuzima yahitanywe na Marathon

Minisitiri w’Ubuzima mu gihugu cya Tuniziya yahitanywe n’indwara y’umutima nyuma yaho yirutse akora Marathon mu ntego yo gufasha kurwanya indwara ya Cancer idasiba kwibasira imbaga ku isi.

Slim Chaker w’imyaka 56 y’amavuko yafashwe bitunguranye amaze kwiruka metero 500 nyuma ahita ajyanwa mu bitaro bya gisirikare ari naho yaje gupfira nkuko byatangajwe na Minisiteri yUbuzima.
Minisitiri w’Intebe w’igihugu cya Tuniziya, Youssef Chahed yavuze ko abuze umuntu wari ingenzi mu buzima bafatanyaga akazi ka buri munsi ngo dore ko yanapfiriye mu bikorwa byiza by’ubutabazi bw’iteka ku buzima bw’abantu yari ashinzwe kurengera.

Iri siganwa rya marathon riyagize uruhare mu rupfu rw’uyu mugabo ryabereye mu mugi uri ku nkengero ahitwa Nabeul ku munsi wo ku cyumweru aho abari bateguye iri siganwa bari bafite intego yo gukusanya amafaranga yo kubaka ibitaro bizajya byakira abana barwaye indwara ya cancer.

Bwana Chaker yaherukaga guhabwa inshingano zo kuba Minisitiri w’Ubuzima mu gihugu cya Tuniziya mu kwezi gushize nyuma yaho Leta ivuguruwe.

Slim Chaker kandi yakoze mu mabanki atandukanye, yakoze muri Minisiteri y’Imari ya Leta ya Tuniziya ndetse no muri Minisiteri ya Siporo nyuma yaho Zine al-Abidine Ben Ali aviriye ku butegetsi mu mwaka wa 2011.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo