Ntirandekura  yishe abaturanyi be  6 nawe ahita yimanika mu kagozi

Ku musozi wa Rweya,Komini Buhiga ,Intara ya Karusi mu gihugu cy’u Burundi ,abantu bagera kuri batandatu nibo bamaze kumenyekana ko bishwe n’umuturanyi wabo aho bamwe yabatemesheje umupanga, abandi akabatwikira mu nzu.

Umushinjacyaha mu Intara ya Karusi , HARERIMANA François aremeza ayo makuru, avuga mo ko uwakoze ubwo bugizi bwa nabi nawe yahise yiyahura akoresheje umugozi (yimanitse ku giti).

Ubwo bwicanyi bwabaye mw’ijoro ryo kuri uwu wa mbere tariki 9 Ukwakiea 2017 , nk’igihe cya saa tatu z’ijoro , aho uwitwa Ntirandekura Claude w’imyaka 24 yatwitse amazu 11 yahitanye abantu batatu bahiriye mu nzu, abandi batatu abica abatemaguye n’umupanga.

HARERIMANA François, yemeza ko hatangiye iperereza kugirango hamenyekane icyateye uyu mugabo kwica abaturanyi be.

Amakuru ava mu gipolisi cy’u Burundi avuga ko uyu mugabo wakoze aya mahano yari yiriwe anywa inzoga bikavugwa ko yaba yabishe abashinja uburozi .

Mu iperereza rimaze gukorwa abantu 7 bamaze gutabwa muri yombi barimo n’umuyobozi w’agace ubu bwicanyi bwabereyemo aho ashinjwa kuba ataratabaye.

Gabriel Habineza/Umubavu.com



Tanga igitekerezo kuri iyi nkuru



Igitekerezo