Michelle Obama yavuze ku mpungenge z’ikoreshwa ry’ikoranabuhanga ababyeyi b’iki gihe bafite ku bana babo

Michelle Obama, umugore w’uwahoze ari Perezida wa Leta Zunze Ubumwe za Amerika Barack Obama yagarutse ku ngorane ababyeyi b’iki gihe bafite mu mirerere y’abana babo bitewe n’iki gihe kitoroshye cy’ikoranabuhanga aho yavuze ko bitoroshye kugenzura umwana ku buryo bwose kugira ngo imirerere ye irusheho kugenda neza.

Michelle Obama yavuze ko bitoroshye muri iki gihe k’ikoranabuhanga kumenya niba koko abana umubyeyi arera bamwishimira bitewe nuko badashobora kubwira ababyeyi babo akantu kose bahuye nako mu buzima bwabo bwa buri munsi.
Yakomeje avuga ko mu gihe cyo hambere byari byoroshye ku babyeyi kugenzura imico n’imyifatire y’abana babo ariko muri iki gihe aho ikoranabuhanga bikaba bitacyoroshye bitewe nuko utabona uburyo ugenzura umwana mu buzima bwe bw’iri koranabuhanga ryasakaye.

Michelle Obama yavuze ko mbere ikoranabuhanga ritaraza nta buryo umuntu yari gukoresha ngo avugane n’abantu batamwegereye ngo ariko ubungubu bikaba ari ibintu byoroshye cyane ari nabyo bituma kurerera abana muri iki kinyejena cy’ikoranabuhanga bitoroshye.

Icyakora we yavuze ko adafite ikibazo na gitoya mu mirerere y’abakobwa be ngo agendeye ku mico n’imyifatire adasiba kubatoza.

Mu kiganiro umugabo we Barack Obama yagiranye n’itangazamakuru, yavuze ko nta kibazo afite ku bakobwa be mu bijyanye n’imico n’imyifatire bitewe nuko yizeye ko imico umugore we Michelle yamugaragarije ndetse akimugaragariza ari yo atoza abana babo kandi akanaba urugero rwiza ku bana be. Obama yongeyeho ko ntacyo ashinja mugore we kuko amwubaha cyane ndetse akanamwitaho uko ashoboye kose.

Michelle Obama n’umugabo we Barack Obama biravugwa ko kuri ubu bari gushaka kwimuka mu mugi wa Washington ariko aho bashaka kwimukira hakaba hataramenyekana.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo