Kenya : Raila Odinga yavuze ko atazitabira amatora ya Perezida

Raila Odinga yamaze gutangaza ko atazitabira amatora ya Perezida wa Repubulika mu gihugu cye cya Kenya ateganyijwe gusubirwamo tariki ya 26 Ukwakira 2016 ngo niba hadakurikijwwe ibyo urukiko rukuru rwasabye byose birimo kuvugurura amwe mu mategeko y’amatora ndetse no guhindura bamwe mu bagize akanama gashinzwe gutegura amatora IEBC.

Raila Odinga ukomoka mu ishyaka ritavuga rumwe n’ubutegetsi bw’igihugu cya Kenya, NASA akaba ari nawe ukuriye ihuriro ry’abatavuga rumwe n’ubutegetsia avuga ko ashaka amatora mashyashya kandi yujuje ibyasabwe n’urukiko rukuru.

Aya matora ateganyijwe ku itariki ya 26 Ukwakira 2017 azaba asubirwamo nyuma y’ayayabaye mu kwezi kwa munani bikarangira urukiko rukuru muri Kenya rutesheje agaciro ibyari byayavuyemo ruvuga ko yabayemo uburiganya,
Odinga avuga ko avuye muri aya matora kugira ngo ahe umwanya ukwiye ndetse uhagije akanama gashinzwe gutegura amatora IEBC wo guhindura ibikenewe byose kugira ngo aya matora azabe meza kandi yujuje ibyasabwe n’urukiko rukuru byose ndetse.
Akanama gashinzwe gutegura amatora kari karatangaje ko Perezida Uhuru Kenyatta ari we wegukanye intsinzi mu amatora yari yabanje mu kwezi kwa munani ariko urukiko rukuru ruza gutesha agaciro iyi ntsinzi ya Kenyata ruvuga ko ayo matora yabayemo uburiganya. Aka kanama IEBC kari kavuze ko Uhuru Kenyatta ari we watsinze amatora y’umukuru w’igihugu ku majwi miliyoni 14.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo