Gicumbi: Yataye uruhinja rukivuka mu musarani

Polisi y’u Rwanda iramagana byimazeyo ihohoterwa rikorerwa abana ririmo n’icyaha cyo kwihekura nk’uko n’umuco wacu ubifata nka kirazira.

Learn how to Thrive

Uruger ni ku italiki 5 Ukwakira , uwitwa Uwapapa Sarah w’imyaka 24 y’amavuko, utuye mu kagari ka Yaramba, umurenge wa Nyankenke mu karere ka Gicumbi, bivugwa ko yataye uruhinja yari akibyara mu musarane.

Umubiri w’uru ruhinja wavanywemo ujyanwa mu bitaro bya Byumba mu gihe Uwapapa yahise afatwa akaba afungiye kuri sitasiyo ya Polisi ya Byumba.

Umuvugizi wa Polisi mu Ntara y’Amajyaruguru, Inspector of Police (IP), Innocent Gasasira akaba yamaganye aya mahano aho avuga ko ari igikorwa cy’ubugome.

Yavuze ko akenshi abakora iki cyaha bakunze kwitwaza kuba baratewe inda batabishaka cyangwa gutereranwa n’abo babyaranye maze agira ati:” Ku mpamvu izo ari zo zose ntawe ukwiye kwambura undi ubuzima.”

Kwihekura, nk’uko bisobanurwa mu gitabo cy’amategeko ahana, ni ukwambura ubuzima uwo wabyaye cyangwa urera byemewe n’amategeko, bikaba bihanishwa igifungo cya burundu nk’uko ingingo ya 143 ibitegenya.

Ibyaha byo kwihekura bikaba bikunze kugaragara mu bana b’abakobwa bihakanwa n’ababateye inda; abahanga mu buvuzi bakavuga ko ibituma umubyeyi yambura ubuzima uwo yibyariye ubundi biba ari ingaruka z’ihungabana rikomeye.

Hagati aho, kuri uriya munsi, mu karere ka Nyamasheke, umurenge wa Nyabitekeri , akagari ka Kigabiro mu mudugudu wa Mariba, Polisi ihakorera yakuye uruhinja mu musarane w’umukecuru witwa Nyirabuhinja Ancilla , rukaba rwarahise rujyanwa mu bitaro bya Bushenge aho rurimo kwitabwaho n’abaganga.


Travel for Free!


Tanga igitekerezo kuri iyi nkuru



Igitekerezo