Cristiano Ronaldo yibutse ise umaze imyaka 12 atabarutse

Icyamamare mu mupira w’amaguru Cristiano Ronaldo ukomoka mu gihugu cya Portugal kuri ubu akaba akinira ikipe ya Real Madrid yo mu gihugu cya Espagne, aribuka umubyeyi we Jose Dinis Aveiro umaze imyaka isaga 12 yose atabarutse.

Cristiano yasize ubutumwa bw’akababaro ku mbuga nkoranyambaga avuga kuri ise wataburutse afite imyaka 20 y’amavuko aho kuri ubu amaze imyaka 12 yose atabarutse.
Cristiano Ronaldo yasize ku mbuga nkoranyambaga ari kumwe n’umuryango we urimo umwana we w’imfura Cristiano Ronaldo Junior ndetse n’impanga ze arizo Eva na Mateo aho kuri iyi foto hanagaragaraho ifoto y’umubyeyi we Jose Dinis Aveiro.

Yanditse ku rukuta rwe rwa Instagram amagambo agira ati “iteka n’iteka tuzahora tukwibuka”.
Umukinnyi ukinira ikipe ya Manchester City yo mu bwongereza niwe wenyine wavumbuye ko Cristiano Ronaldo atabanye neza na se nyuma yuko yari yasinze cyane ko ari nacyo cyatumye uyu mukinnyi yirinda ibiyobyabwenge birimo ibisindisha kuko bivugwa ko ari byo byaba byarahitanye ise umubyara.
Ni nyuma yuko Cristiano yanditse ku mbuga nkoranyambaga amagambo ateye agahinda agira ati “papa rimwe na rimwe namubonaga yisekesha yanasinze ku buryo ntanamumenye neza niba ari we, ibi bikandya cyane kuko ntanamenyaga ikimutera kunywa inzoga cyane. Sinari norohewe n’ubuzima ku buryo imwe na rimwe numvaga uwampa undi mubyeyi wakwemera kujya anyumva akampa umwanya ndetse akamenya icyo nshaka”.
Umubyeyiwa Cristiano Ronaldo Jose Dinis Aveiro yatabarutse mu mwaka wa 2005 nyuma y’uburwayi bwamuhitanye ariko bikanavugwa ko n’inzoga zaba zarabigizemo uruhari runini. Muri uyu mwaka Ronaldop yakiniraga ikipe ya Manchester United yo mu gihugu cy’u Bwongereza.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo