Zimbabwe : Umwana w’imyaka 12 afunzwe azira kugira igitsina kinini cyane

Robert Kingsley, umwana w’umuhungu w’imyaka 12 gusa y’amavuko wo mu gihugu cya Zimbabwe kuri ubu ari mu gihome azira kugira igitsina kinini cyane cyanatangaje abantu bibaza niba atari ukumuroga.

Ntibisanzwe mu buzima bwa muntu kumva ngo umuntu yafunzwe azira ingano runaka y’igice cye cy’umubiri gusa Robert Kingsley wo mu gihugu cya Zimbabwe we kuri ubu byamubayeho ku myaka ye 12 y’amavuko nyuma yo kwisanga afite igitsina kinini cyane bigatuma afungwa kugira ngo hakorwe ubushakashatsi ku ngano y’iki gitsina cy’uyu mwana hanamenyekane imvano yacyo.

Nyamara ababyeyi b’uyu mwana bavuga ko yavutse nk’abandi bana anafite igitsina nk’icy’abandi ngo gusa kuri ubu nabo byababereye amayobera aho yakuye iki gitsina cyatumye afungwa bikanatangaza abantu mu buryo budasanzwe.

Kingsley ngo ku ishuri aho yigaga nawe ngo byamuteraga ipfunwe cyane ko no kugenda yewe no kwambara byamugoraga kubera ingano y’iki gitsina cye ndetse ugasanga abandi bana bigana bamushungereye bashaka kurebe icyo gitsina cye.

Ibi ngo byanatumye Kingsley areka ishuri nyuma yo kubona ko itewe ipfunwe n’ingano y’igitsina cye nyamara nawe yisanze afite. Polisi yafashe uyu mwana kugira ngo hakorwe iperereza kuri iyi ngano y’igitsina cye cyane ko ngo byanateje impagarara mu gace uyu mwana atuyemo ugasanga abantu baranigana bza kurebe icyo kintu cyabaye nk’igitangaza muri aka gace ari nayo ntandaro y’ifungwa ry’uyu wana.

Ubusanzwe mu mategeko y’igihugu cya Zimbabwe, guhera ku myaka 9 y’amavuko igihe cyose ufite guhera kuri iyi myaka agaragaweho n’icyaha ashobora gufungwa hatitawe ko ari umwana. Umuntu ashobora kumva uyu mwana yararenganye ariko polisi y’iki gihugu itangaza ko yabanje kumva ko hari umwana wateje impagarara mu gace uyu mwana abamo niko gufata icyemezo cyo kumufunga. Mu mategeko ya Zimbabwe kandi harimo ingingo zivuga ko umuntu wese ugaragaweho n’ikintu runaka ku mubiri we gishobora guteza umutekano mukeya abihanirwa n’amategeko.

Polisi kandi yatangaje ko igiye gukora iperereza ryimbitse kuri iki kibazo ikamenya amavu n’amavuko yacyo kuko cyari cyateje umutekano mukeya muri aka gace uyu mwana abarizwamo.

Abaganga babajijwe kuri iyi ngano idasanzwe y’iki gitsina cy’uyu mwana, bo bavuze ko hari ibintu byinshi bishobora gutera igitsina gukra cyane birimo imisemburo yo mu mubiri ndetse n’uburyo umubiri w’umuntu ukora.

Ababyeyi b’uyu mwana bavuze ko bizeye ko umwana wabo azarekurwa vuba bidatinze cyane ko nawe yisanze ameze atya nubwo byateje umutekano mukeya. Aba babyeyi kandi bongeyeho ko nabo bari gukora igenzura ngo bamenye niba uyu mwana wabo atari ukumuroga cyane ko ari we ibi bibayeho mu muryango wabo wose.

Alice Umwali /Umubavu.com



Tanga igitekerezo kuri iyi nkuru



Igitekerezo