Zimbabwe: Leta yambuye baturage amasambu bari barahawe ku ngoma ya Mugabe

Leta nshya y’igihugu cya Zimbabwe iyobowe na Emmerson Mnangagwa ikomeje gushaka ikintu cyose cyagarura ibintu byose mu buryo mu gihugu nyuma yuko umukambwe Mugabe wari uyoboye igihugu hari bimwe yakoraga byavugwaga ko bitari bikwiriye nko kwambura amasambu Abazungu agahabwa Abirabura. Ibi byatumye Minisitiri mushya w’ubuhinzi mu gihugu, Perrance Shiri ategeka bamwe mu birabura bahawe amasambu muri 2000 mu buryo bufifitse ko bayavamo agasubizwa Leta. Icyakora hari abavuga ko ibi bishobora kuzaha amahirwe Abazungu bayambuwe bakayasubizwa.

Mu mwaka wa 2000 muri Zimbabwe habaye impinduka mu bw’ubutaka n’amasambu zikozwe na Perezida Robert Mugabe, Abazungu barayamburwa ahabwa Abirabura kuko ngo bari barayambuwe kandi ari gakondo yabo.
Minisitiri Shiri yagize ati: “Abo bose bahawe cyangwa bihaye amasambu bidakurikije amategeko bagomba kuyavamo vuba.”

PNG - 603.8 kb
Perrance Shiri yasabye abaturage bari mu masambu mu buryo bunyuranyije n’amategeko kuvamo vuba.


The Herald ivuga ko ibyo Minisiteri w’ubuhinzi asaba nibikorwa bizaha uburyo Abazungu bari barambuwe amasambu bakayasubizwa kandi ngo nibo bari bashoboye kuyabyaza umusaruro ugaragara.

Shiri avuga ko abantu bahawe amasambu mu buryo bukurikije amategeko aribo gusa bazayagumana.

Impinduka mu masambu n’ubutaka zakozwe muri 2000 zatumye Abazungu 4000 bamburwa amasambu ahabwa Abirabura bo muri Zimbabwe bagera kuri miliyoni.
Ibi Perezida Mugabe yabikoze avuga ko ari uburyo bwo gusubiza ubutaka ba nyirabwo kandi ko Abazungu bake bari barabwigaruriye bigakenesha Abirabura kandi aribo benshi.

Kuva icyo gihe Zimbabwe yagize umusaruro muke mu buhinzi kandi yari isanzwe ari igihugu kihagije mu biribwa kikanabyohereza hanze.

Abakurikirana Politiki ya Zimbabwe muri iki gihe bavuga ko Perezida mushya Emmerson Mnangagwa ashobora kuzakora impinduka mu bukungu zifatika zishobora kuzazahura ubukungu bwa Zimbabwe.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo