Zimbabwe : Ibyegera bya Perezida  Mugabe byasubiranyemo

Mu gihugu cya Zimbabwe ibyegera by’umukuru w’igihugu Robert Mugabe byasubiranyemo mu gihe umwe muri ibi byegera ashinja mugenzi we guhungabanya umutekano w’igihugu abeshya ko hari abari bagiye kumuroga.

Mu itangazo rirerire yasohoye, Phelekelezela Mphoko ashinja Emmerson Mnangagwa kuba yarabeshye ko yahawe urupapuro rumwohereza kwivuza mu kwezi kwa munani.

Bwana Mnangagwa w’imyaka 75 y’amavuko kuri ubu ari mu bashaka kuzasimbura Perezida Robert Mugabe w’imyaka 93 yose y’amavuko.

Bwana Mnangagwa yafashwe n’indwara itunguranye mu gihe cyo kwiyamamaza kwa Perezida Mugabe yubwo yari yaje muri iki gikorwa aho yahise ajyanwa n’indege kuvurirwa mu gihugu cya Afrika y’Epfo. Mu mpera z’icyumweru gishize yavuze ko hari umuntu washatse kumurogera mu biryo. Abamushigikiye bakaba baravuze ko byaba byarakozwe n’abo mu ishyaka Zanu-PF batavuga rumwe.

Bwana Mnangagwa n’umugore wa Perezida Grace Mugabe w’imyaka 52 y’amavuko kuri ubu nibo bayoboye impande zitumvikana mu mashyaka .

Bwana Mphoko w’imyaka 73 yavuze ko abaganga babwiye PerezidaMugabe ko ibiryo yariye ari byo byari bihumanye bityo akaba ari byo byatumye Bwana Mnangagwa arwara. Gusa Bwana Mnangagwa ntacyo aratangaza kuri ibi byose bimuvugwaho.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo