Zimbabwe : Arahamya ko ntawamuhiga mu kugira isura mbi mu gihugu

Umugabo wo mu gihugu cya Zimbabwe witwa William Masvinu, nyuma yo kwegukana intsinzi inshuro enye zose zo kuba ari we mugabo mubi ku isura, kuri ubu arashimangira nta mususu ko mu gihugu cyose ntawamuhiga kuri uyu mwanya. Masvinu wishimira cyane isura ye kuko imuhesha intsinzi mu marushanwa y’abagabo babi kurusha abandi, avuga ko yizeye ko no mu myaka iri imbere ntawuzigera amuhiga kuri uyu mwanya.

Uyu mugabo wo mu gihugu cya Zimbabwe gisanzwe kizwiho gutegura irushanwa ryo gutoranya umugabo mubi ku isura kurusha abandi, yegukanye intsinzi ikomeye ahigitse bagenzi be barwaniraga iri kamba ku rwego rw’igihugu.

PNG - 705.9 ko
William Masvinu wegukanye intsinzi ubugira 4 kose


William Masvinu w’imyaka 43 y’amavuko aratangaza ko yishimiye cyane iyi ntsinzi ye bituma yishimira bikomeye isura ye ndetse nuko asa bituma yizera ko no mu gihe yaba yitabiriye amarushanwa atari ayo mu gihugu cye gusa naho yakwegukana ikamba.

Masvinu mu magambo ye yagize ati “nta muntu n’umwe wampigika mu kugira isura mbi mu gihugu, ndizera ko no mu marushanwa atari ayo mu gihugu cyange ntawambuza gutahukana intsinzi.”

PNG - 1 Mo
Aha bari mu irushanwa


Ubwo Masvinu yegukanaga intsinzi muri uyu mwaka ku nshuro ye ya kane, yegukanye igihembo cy’amafaranga ibihumbi 419590.87 (mu manyarwanda), mu gihe mugenzi we bari bahanganye bikomeye we yegukanye ibihumbi 167837.98 (mu mafaranga y’u Rwanda).

PNG - 403.6 ko
Uyu mugabo niwe wari uhanganye bikomeye na William Masvinu


Iri rushanwa rikunze gutegurwa mu gihugu cya Zimbabwe ryatangaje abantu benshi b’impande zitandukanye z’isi, ryitabiriwe n’abantu batagira ingano ndetse Zimbabwe inasaba igihugu cya ngeria kuba nacyo cyakwitabira aya marushanwa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo