Yihinduye umukobwa none ararira ayo kwarika

Patrick Mitchell w’imyaka 14 y’amavuko ukomoka mu gihugu cya Australia ararira ayo kwarika nyuma yuko yihinduye umukobwa akoresheje imiti none ubu akaba ashaka gusubirana ubuhungu bwe.

Patrick Mitchell afite imyaka 12 akiri umuhungu yarwaye indwara bituma anywa imiti yo kwihindura umukobwa byahise binamuviramo kumera amabere nk’abandi bakobwa bose bageze mu kigero cyo kuyamera none ubu bikaba byamubereye ihurizo yibaza uko yasubira kuba umuhungu.

Uyu mwana ukomoka mu gihugu cya Australia w’imyaka 14 y’amavuko yanyweye imiti yo kwihindura umukobwa afite imyaka 12 none ngo nyuma yo kubona uburyo kuba umukobwa bimeze ngo kugeza ubu ntagishaka kuguma kuba we.

Patrick Mitchell nyuma yo kurwara ubwo yari afite imyaka 12, yanyweye imiti imuhindura kuba umukobwa ibyatumye ahita amera amabere ndetse n’imisatsi miremire nk’iy’abakobwa.

Nyamara nyina Alison yari yamwemereye gukora ibi. Gusa ngo no munsi y’imyaka ibiri bari bagiye kubikora none ubu ibyo bitaga ibyoroshye byabaviriyemo ihurizo rikomeye.

Mu kiganiro n’ibitangazamakuru bitandukanye Patrick Mitchell yagize ati “nihinduye kuba umukobwa kuko ari byo nashakaga none ubu ndumva ntacyo bikimfasha”.
Yakomeje agira inama bifuza guhindura igitsina bavukanye ko ngo babimenya neza ari uko bahindutse. Mu magambo ye ati “ntabwo ushobora kumenya itandukaniro riri hagati y’umuhungu n’umukobwa keretse wihinduye”.

Nyuma y’iyi miti Patrick Mitchell yanyweye ubu biramusaba kubagwa bakamukiza amabere yameze bakamusubiza kuba umuhungu.

Aganira n’itangazamakuru nyina w’uyu mwana Alison yavuze ko ibi umwana we yabikoze akiri mu bujiji ngo gusa ubu yishimiye ko noneho nawe yakuze ubu akaba azi ikiza n’ikibi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo