Yatwitse  inzu y’ababyeyi be kuko bamubujije kuzana umugore wa kabiri

Umugabo w’imyaka 29 ‘amavuko wo muri Leta ya Florida muri Leta Zunze Ubumwe za Amerika mu cyaro cya Flamingo yaburiwe irengero nyuma yo gutwika inzu y’ababyeyi be abaziza ko bamubujije kurongora umugore wa kabiri.

Abaturanyi n’inshuti b’uyu muryango bakaba bakoze ibishoboka byose bafasha uyu muryango kurokora bimwe mu bintu byari mu nzu ndetse no kubakuramo ngo badahiramo. Polisi ikomeje gushakisha uyu mugabo nyuma yo gucika akoze iri bara bamubujije kuzana umugore wa kabiri.
Uyu mugabo ngo yafashe peteroli ayisuka ku mabati y’ibyumba 3 by’inzu y’ababyeyi be niko kuyikongeza. Ngo ibi yabikoze ubwo yari avuye gusenga abwira ababyeyi be ko ashaka kuzana umugore wa kabiri bamugira inama yo kumureka agakomeza kubana n’uwo afite ariko nyamugabo avunira ibiti mu matwi niko gufata iki cyemezo kigayitse.
Ngo uyu mugabo si ubwa mbere yari agerageje gutwika inzu y’ababyeyi be kuko bamubuza kurongora umugore wa kabiri kuko no mu minsi ishize ngo yari yagerageje kuyitwika ariko mushiki we afatanyije n’ababyeyi be ndetse n’abaturanyi barayizimya.
Uyu mugabo yagize ati “niba mumbujije gukomeza umugambi wange wo kuzana umugore wa kabiri ngiye gutwika iyi nzu yanyu”. Gusa ababyeyi be ntibumvaga ko uyu mwana wabo yakora iri bara cyane ko ari n’umuntu mukuru uzi ubwenge.
Uyu mugabo ngo kera kabaye yaje kugaruka yasinze bikabije asanga bazimya iyi nzu ngo aza kubabuza kuyizimya ari nabwo polisi yahise imuta muri yombi kugira ngo abiryuzwe.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo