Yambikanye impeta n’umukunzi we wapfuye

Tsai Shang-chen, umugabo w’imyaka 30 y’amavuko wo mu gihugu cya Taiwan yambikanye impeta n’umukobwa wari inshuti ye wapfuye.

Chen Yi-chi nawe wo mu gihugu cya Taiwan yazize impanuka ya moto apfa anatwite kuko uyu musore yari yanamuteye inda mbere yo gushyingirwa, bombi bakaba barimo bitegura ubukwe bwabo bigera imwe mu myenda bateganyaga gukoresha.
Uyu mugabo wo mu gihugu cya Taiwan akaba yarambikanaya impeta n’umukunzi we atitaye ko yatabarutse mbere yuko bashyingirwa.
Tsai Shang-chen ku munsi wo gusezera ku mukunzi we yakoze imihango yo kwerekana ko amwambitse impeta y’urukundo.
Uyu mukobwa yapfuye mu mpera z’ukwezi gushize afite imyaka 23 y’amavuko, ibirori byo kumwambika impeta atakiriho bikaba byarabereye mu mugi wa Yuanlin mu burengerazuba bw’igihugu cya Taiwan.
Ibi birori biteye agahinda bya Tsai Shang-chen n’umukunzi we Chen Yi-chi byatumye inshuti abavandimwe n’imiryango yabo yambara imyenda y’amabara ya Pink n’umweru mu kwerekana ko bari mu kiriyo cy’umukazana wabo watabarutse bakimukunze, ibirori byabo byari biteganyijwe kuba mu kwezi kwa 11
Shang-chen yari umushoferi w’ikamyo naho umukunzi we Chen Yi-chi akaba umuganga w’amenyo kuri rimwe mu mavuriro yo muri Taiwan.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo