Yagaruye ibyo yibye bwangu nyuma yo guterwa n’irumbo ry’inzuki

Ni nyuma yuko umusore utavuzwe amazina yibye ibikoresho byo mu rugo mu gace ka Kijura, kamwe mu tugari tugize akarere ka Masindi mu gihugu cya Uganda agaterwa n’irumbo ry’inzuki ryamwuzuyeho ku ijosi, mu mugongo ndetse izindi zikajya mu mifuka y’ipantaro ye nkuko Fred Musiime ukorera muri karere ka Masindi yabibwiye The Monitor tunakesha iyi nkuru.

Uyu mugabo utarahise amenyekana amazina ubwo umunyamakuru yakoraga iyi nkuru, yari yibye ibikoresho by’ikoranabuhanga byo mu rugo birimo telefoni, lecteur ndetse na radio ariko ubujura bwe birangira butamuhiriye kuri iyi nshuro kuko yahise agarura ibyo yibye bwangu nyuma yo guterwa n’irumbo ry’inzuki zamwuzuyeho ku mubiri we hafi ya wose zimuryuza ibyo yibye.

Uyu mugabogo uvuka mu kagari ka Kirasa mu karere ka Masindi, nyuma yo kugarura ibi bikoresho yari yibye, yahise anatabwa muri yombi na polisi yo muri ako gace kugira ngo akurikiranwe kuri ubu bujura yakoze.

Igipolisi gikorera muri aka karere ka Masindi kivuga ko aya makuru cyayamenye nyuma yo kubona video ku mbuga nkoranyambaga zitandukanye igaragaza uyu mugabo atwaye ibikoresho by’ikoranabuhanga mu ntoki ze anashungerewe n’abantu ndetse n’irumbo ry’inzuki rimuri ku ijosi no ku bindi bice by’umubiri we ibyatumye polisi ishaka kumenya ibyahabaye igahita ita muri yombi uyu mugabo.

Bamwe mu bari aho uyu mugabo yari atwaye ibi bikoresho yibye, bavuze ko nyiri ibi bikoresho abarizwa muri kampani yitwa Boda Boda ibarizwamo abanyonzi b’amagare, uyu akimara kwibwa akaba yarahise ajya ku mupfumu wo mu gace atuyemo ka Kijura kugira ngo amufashe gushika uwamwibye.

Umuvugizi wa polisi mu burengerazuba bw’igihugu cya Uganda, Mr Julius Hakiza yavuze ko nyuma y’ubu bujura nta makuru bahise bahabwa ngo icyakora nyuma yo kubona aya makuru bakaba barahise bayakurikirana ndetse bagata muri yombi uyu mujura.

Mr Julius Hakiza yagize ati "nyuma yuko amakuru y’ubujura bw’uyu mugabo atugezeho, yahise atabwa muri yombi kuri ubu tukaba tumukurikiranyeho ubujura bw’ibikoresho byo mu rugo yibye byanatumye arogwa inzuki".


Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
janet ntirenganya Kuya 29-11-2017

Andika Igitekerezo Hannomwiriwe neza abantu biba bagomba kwisubiraho kuko akabo karashobotse