Yabuze umusore umurongora yiyambika impeta ubwe

Laura Mesi w’imyaka 40 y’amavuko ukomoka mu gihugu cy’u Butaliyani yarambiwe gutegereza umusore waza kumutereta ngo bambikane impeta ahitamo kwikorera ubukwe ari wenyine n’inshuti ze zisanzwe aho yiyambitse impeta mu mwanya w’umukunzi.

Ntibisanzwe ku isi ko umuntu ashobora gukora ubukwe ari wenyine adafite umukunzi yatoranyije mu bandi ngo bambikane impeta y’ubutazatandukana ariko uyu Laura Mesi w’imyaka 40 y’amavuko niko byamugendekeye aho yavuze ko yarambiwe gutegereza umusore agafata icyemezo cyo gukora ubukwe bwa wenyine kubera kubura umusore bazabana icyakora inshuti ze zisaga 70 akaba ari zo zimushyigikira muri ibi birori bye.
Laura Mesi usanzwe ari umwarimu mu kwigisha abantu ku bijyanye n’imyitozo ngororamubiri, nyuma yo gufata iki cyemezo yatumiye inshuti ze ngo zimufashe gutegura no gushyira ku murongo ibi birori abandi bise ibisekeje kandi binababaje ku rundi ruhande.
Muri rusange ibi birori bikaba byaramutwaye asaga miliyoni 2 mu mafaranga akoreshwa iwabo ibyo abandi bavuze ko bitari bikwiye gukoresha akayabo kangana gutya mu birori nk’ibi bo bise urwenya cyane ko ngo bitanemewe n’amategeko. Uyu mugeni yanatemberereye mu gihugu cya Misiri wenyine nawe arya ubuzima nkuko abandi bageni bose babigenza mu kwishimira urugo rushya baba bagiye gushing ndetse n’ubuzima bushya.
Amafoto ateye agahinda kuri bamwe niyo yaranze ibirori by’uyu mwari Laura Mesi aho yakoraga byose wenyine bitewe nuko nyine yabuze umusore bambikana impeta.

Uyu mukobwa yahisemo gukora ubukwe wenyine nyuma yuko yujuje imyaka 40 yose atarabona umusore umurongora. Mu magambo ye yagize ati “nari nabwiye inshuti n’abavandimwe bange ko ningera ku munsi w’isabukuru yange yo kuzuza imyaka 40, nzahita nkora ubukwe nkashyingirwa njyenyine”.
Laura Mesi yakomeje avuga ko byari kuba ari ibyishimo iyo aza kugirirwa anmahirwe yo kubona umukunzi barushingana ngo ariko nta n’icyo yicuza kuko uyu munsi w’ubukwe bwe ari ibyishimo byinshi kuri we.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo