Uwari ushinzwe ubwubatsi mu Karere yishwe n’abaturage  azira kwiba Imodoka

Uwari ushinzwe ubwubatsi mu Karere ka Kabaale ho mu gihugu cya Uganda , Gordon Twesiime w’imyaka 49 y’amavuko yitabye Imana ejo ku wa Kane tariki 14 Nzeri 2017 nyuma yo guhondagurwa n’abaturage azira kugerageza kwiba imodoka itwara abagenzi nabo akabafata bugwate.

Komanda wa Polisi mu Karere ka Kabaale , David Otabong yabwiye Daily Monitor dukesha iyi nkuru ko Twesiime yaguye mu bitaro bya Mubende ejo ku wa Kane tariki 14 Nzeri 2017.

Yinjiye muri Taxi ari umugenzi nk’abandi

Komando Otabong avuga ko ku wa Kabiri aribwo Twesiime yinjiye muri Taxi y’umucuruzi witwa Joseph Ariguma ari umugenzi nk’abandi ,nyuma ngo uyu mucuruzi yaje guhagarika imodoka agiye gukuramo umutwaro w’umugenzi ako kanya Twesiime ahita yicara ku ntebe ya shoferi atangira gutwara imodoka ari nako abagenzi batabaza bamusaba guhagarara.

Ngo Twesiima yaje guhagarikwa n’abaturage bo kuri Santire y’ubucuruzi ya Mituju muri aka Karere nyuma yo kumva amakuru kuri Radio avuga ko iyi modoka yibwe arinabo bamukubitse.

Gusa umuvandimwe wa nyakwigendera avuga ko yari asanzwe agira ikibazo cy’uburwari bwo mu mutwe ati’’Amakuru mfite ni uko yinjiye muri Taxi nyuma akaza kubona iri mo kumutinza agahitamo kwicara ku ntebe ya shofero ngo atware bo bagakeka ko ayibye’’

Gabriel Habineza/Umubavu.com



Tanga igitekerezo kuri iyi nkuru



Igitekerezo