Urukiko rwatesheje agaciro ubujurire bw’ikirego kihutirwa cy’abo kwa Rwigara

Kuri uyu wa Kane tariki 8 Werurwe 2018, nibwo Urukiko rukuru rw’ubucuruzi rwasomye imyanzuro y’urubanza rw’ubujurire ku kirego kihutirwa umuryango wa nyakwigendera Assinapol Rwigara wari watanze uvuga ko ikigo cy’imisoro n’amahoro mu Rwanda cyafunze uruganda rwo kwa Rwigara mu buryo budakurikije amategeko. Gusa urukiko rwatesheje agaciro ubusabe bwabo.

Umuryango wa Rwigara uherutse kurega ikigo cy’imisoro n’amahoro mu Rwanda (Rwanda Revenue Authority) kuba cyarafunze uruganda rw’itabi rwabo mu buryo bunyuranyije n’amategeko kubera imisoro y’amafaranga y’u Rwanda asaga miliyari eshanu uru ruganda rushinjwa kuba rwaranyereje, ibyafatiriwe ngo bikaba byarababereye imbogamizi zatumye badakomeza ibikorwa by’ubucuruzi.

JPEG - 68 kb

Aha ni mu minsi ishize ubwo abo mu muryango wa Rwigara baburanaga ku bindi byaha mpanabyaha bakurikiranyweho

Mu rukiko rw’ubucuruzi rwa Nyarugenge, abo muri uyu muryango wa Rwigara bari batsinzwe, urukiko rugaragaza ko ikirego cyabo nta shingiro gifite ariko bakijuririra mu rukiko rukuru rw’ubucuruzi. Uyu muryango uvuga ko Rwanda Revenue Authority yafatiriye ibicuruzwa by’uruganda (amakarito y’itabi), impapuro n’ibitabo by’ubucuruzi uru ruganda rwakoreshaga ndetse n’amafaranga bafite kuri konti muri banki ebyiri uru ruganda rwabitsagamo amafaranga, ibyo byose bikaba ngo byaratumye bahagarika ibikorwa byabo by’ubucuruzi.

Iburanisha mu bujurire mu rukiko rukuru rw’ubucuruzi ryari ryabaye kuwa Kabiri tariki 6 Werurwe 2018, imyanzuro y’urukiko yasomye kuri uyu wa Kane ikaba ishimangira ko ibyakozwe n’ikigo cy’igihugu gishinzwe imisoro n’amahoro bifite ishingiro. Abunganira uru ruganda bavuga ko hari ibitabo byatwawe na Rwanda Revenue bakaba batakora batabifite, nyamara abunganira iki kigo cy’imisoro n’amahoro bo bakemeza ko basabye ba nyir’uruganda kujya gufata amakopi y’ibitabo bifuza ndetse bagatwara n’andi makuru bifuza muri mudasobwa zafatiriwe ariko bo bakanga, kandi ngo iby’umwimerere babikeneye nk’ibimenyetso ku cyaha cyo kunyereza imisoro uru ruganda rushinjwa.

Umucamanza mu rukiko rukuru rw’ubucuruzi kuri uyu wa Kane, yahamije ko ubujurire bw’uruhande rw’abo kwa Rwigara (uruganda rw’itabi rwa Primier Tobacco Company) nta shingiro bufite kuko ibyakozwe na Rwanda Revenue Authority bifite ishingiro, icyakoze umucamanza yategetse ko Rwanda Revenue Authority yatanga amakopi y’impapuro n’ibyangombwa ariko ikabanza kuyashyiraho ikimenyetso.


Travel for Free!


Tanga igitekerezo kuri iyi nkuru



Igitekerezo
wema Kuya 10-03-2018

Andika Igitekerezo Hanno
kuki ababanta barengana
imana ibatabare pe.