Urukiko rw’ikirenga rwatesheje agaciro intsinzi ya Kenyatta

Ibyavuye mu matora y’Umukuru w’Igihugu muri Kenya byateshejwe agaciro n’Urukiko rw’Ikirenga. David Maraga ukuriye uru rukiko yavuze ibyakozwe bitubahirije amategeko mu gihe cy’amatora.

The East African yandikirwa muri Kenya yasohoye inkuru ahagana saa tanu zuzuye, aho yanditse uyu mwanzuro wafashwe n’urukiko nyuma yo kubona hari ibibazo byagaragaraye muri aya matora yakurikiwe n’imvururu zahitanya bamwe.

Mu myanzuro y’urukiko bavuga ko nubwo Kenyatta ariwe watsinze amatora agomba guhatana ndetse ko bigomba gukorwa bitarenze iminsi 60 kuva iri tangazo risohotse.

Tariki ya 07 Kanama uyu mwaka, Amajwi y’agateganyo yagaragaza ko Uhuru Kenyatta afite 54,3 %, mu gihe Odinga amukurikira na 44,8 % nyuma yo kubarura amajwi y’abatoye ku kigero cya 95,3% nk’uko BBC yabitangaje.

Nyuma y’amatora hakurikiyeho imyigaragambyo yatangiye nyuma y’uko mu myaka icumi ishize hari habaye indi yanaguyemo abagera ku 1 100, abagera ku 600,000 bakava mu byabo ubwo Mwai Kibaki na Odinga bari bahanganye.

Ku wa 11 Kanama nibwo Komisiyo y’Amatora ya Kenya yatangaje ko Perezida Kenyatta yongeye gutorerwa kuyobora iki gihugu ahigitse abo bahanganye barimo Raila Odinga wahise atanga ikirego cye mu rukiko rw’ikirenga asaba ko ibyavuye mu matora byateshwa agaciro.



Tanga igitekerezo kuri iyi nkuru



Igitekerezo