Urujijo  ku  rupfu rw’Abarundi  34 biciwe muri Congo, abandi 124 bagakomereka

Nyuma y’urupfu rw’abarundi 34 abandi 124 bagakomereka mu Mujyi wa Kamanyola mu Burasirazuba bwa Repubulika Iharanira Demokarasi ya Congo ku wa Gatanu tariki 15 Nzeri 2017 ,Leta ya Congo ivuga ko abarundi bishwe atari impunzi .

Minisitiri w’Itangazamakuru akaba n’Umuvugizi wa Leta ya Congo, Lambert Mende yavuze ko abapfuye bari abarwanyi b’umutwe w’inyeshyamba utazwi.

BBC ivuga ko Umuryango w’Abibumbye n’abanyamakuru bakorera muri aka gace kabereyemo ubu bwicanyi ,bavuze ko Igisirikare cya Congo cyarashe urufaya rw’amasasu ku mpunzi z’abarundi ziri mu nkambi ya Kamanyola.

Mu Itangazo ryashyizwe ahagaragara n’Umuryango w’Abibumbye ku wa Gatandatu tariki 16 Nzeri 2017,wagaragaje ko wababajwe bikomeye n’urupfu rw’impunzi z’abarundi.

Umuryango w’Abibumbye muri iri tangazo washimangiye ko aba barundi baguye mui bushyamirane hagati yabo n’inzego z’umutekano za Congo.

Minisitiri w’Ububanyi n’Amahanga w’u Burundi, Alain Aime NYAMITWE abicishije ku rukuta rwe rwa Twitter yasabye ko hagaragazwa ukuri ku byabaye ku mpunzi z’abarundi ziri mu nkambi ya Kamanyola.



Tanga igitekerezo kuri iyi nkuru



Igitekerezo