Urubanza rwa Diane Rwigara  n’abo  mu muryango we  rwasubitswe

Kuri uyu wa Gatanu, tariki ya 6 Ukwakira 2017 nibwo Diane Rwigara, murumuna we Anne Rwigara n’umubyeyi wabo Mukangemanyi Adeline bagejwe imbere y’urukiko Rwisumbuye rwa Nyarugenge aho basabye ko urubanza rusubikwa kuko batiteguye kuburana.

Aba uko ari batatu bakaba bagaragaye muri uru rubanza rwari rwitabiriwe n’abantu benshi nta munyamategeko ubunganira barikumwe.

Diane Rwigara niwe wahise asaba ko urubanza rwabo rusubikwa kuko nta mwunganizi bafite ndetse ko batabonye umwanya uhagije wo gutegura urubanza rwabo.

Abaregwa bavuze ko batarahabwa umwanya wo kubonana n’ababunganira no gutegura urubanza rwabo.

Nyuma yo kumva icyifuzo cy’abaregwa hamwe n’ubushinjacyaha, Urukiko rwanzuye ko urubanza rwabo rwimurirwa kuwa mbere tariki 09 Ukwakira 2017.

Diane Rwigara wenyine akurikiranyweho icyaha cyo gukora no gukoresha inyandiko mpimbano ariko bose uko ari batatu bahurira ku cyaha cyo kugambirira guteza imvururu cyangwa imidugararo muri rubanda. Mukangemanyi Adeline we yihariye icyaha cy’ivangura no gukurura amacakubiri.

Gabriel Habineza/Umubavu.com



Tanga igitekerezo kuri iyi nkuru



Igitekerezo