Umwiyahuzi yatemaguye Abayisilamu bari mu musigiti basenga bamwe bahasiga ubuzima

Ku gicamunsi cyo kuwa Kabiri tariki ya 27 Werurwe 2018, mu gace ka Kasala ho mu Burengerazuba bwa Sudan, umugabo w’umwiyahuzi witwaje icyuma yinjiye mu musigiti wari uteraniyemoAabayisilamu bari mu masengesho yabo yicamo batatu abandi arabakomeretsa bikomeye.

Learn how to Thrive

Umuyobozi wa Polisi mu gace ka Kasala, Yahi Sulayman yavuze ko aya marorerwa yakozwe n’umwiyahuzi wasanze aba bayisilamu basengeraga muri uyu musigiti wo muri uyu Mujyi wa Kasala uri hafi y’umupaka wa Sudan na Erithrea.

Ikinyamakuru Sudantribune cyanditse iyi nkuru cyavuze ko uyu mwiyahuzi yinjiye muri uyu musigiti agatangira gutanga ubutumwa bamwe bakanga kumwumva aribwo yahise abahukamo n’icyuma yari afite atangira kukibateragura biviramo batutu kuhasiga ubuzima, mu gihe uyu mwicanyi we yahise atoroka akaba agishakishwa na Polisi.

Kuva muri Mutarama 2018, iki gihugu cya Sudan cyafunze umupaka wacyo na Erithrea uri mu Burasirazuba nyuma y’uko I Khartoum bari bamaze gutangaza ko hari ibibazo by’umutekano uterwa n’abambuka bavuye muri iki gihugu.

Amagana y’abasirikare ba Sudan bashyizwe muri aka gace ka Kasala mu rwego rwo gukaza umutekano, muri aka gace kandi niho benshi mu bahunga banyura berekeza mu Nyanja ya Mediterane bakomeza bajya I Burayi.

PNG - 606.3 kb
Uyu musigiti uherereye mu gace ka Kasala ho mu Burengerazuba bwa Sudan niwo umwiyahuzi yinjiranyemo icyuma agitemaguza Abayisilamu basengaga yicamo batatu abandi barakomereka bikomeye


Travel for Free!


Tanga igitekerezo kuri iyi nkuru



Igitekerezo