Umwarimu wa Kaminuza ya Makerere yatitirije umunyeshuri ngo basambane kugeza ubwo amushyize umutwe mu maguru

Mu gihugu cya Uganda by’umwihariko muri Kaminuza ya Makere, haravugwa inkuru yabiciye bigacika kubera amafoto y’umunyeshuri wasambanyijwe n’umwarimu wo muri iyi Kaminuza, ubwo yageraga mu biro aje gufata ibyangombwa bye birimo n’indangamanota.

Uyu mwarimu witwa Kisuze Edward ibi bintu bikaba byatumye atabwa muri yombi, yahatirije umukobwa witwa Njoro Racheal ko bakora imibonanompuzabitsina, umukobwa abonye ntahandi aramucikira aremera gusa yifotora (selfie) uyu mugabo atabizi ubwo umutwe we yari yawushyize mu maguru y’umukobwa nk’uko bigaragara.

PNG - 1 Mb
Iyi foto uyu mwarimu yashyize umutwe mu maguru y’uyu munyeshuri amutitiriza ngo amusambanye yavugishije abantu


Amafoto uyu mukobwa yashyize hanze abinyujije ku rukuta rwe rwa Facebook, abantu benshi bayabonye cyane cyane ababyeyi, bose bifashe impungenge, kubwo kubona amahano nk’ayo akorwa n’abo bazi ho ubunararibonye/intiti cyangwa se b’abanyabwenge kugeza aho umukobwa urangije kwiga kaminuza asambanyirizwa mu biro izuba riva.

PNG - 980.9 kb
Njoro Racheal wasambanyijwe yizezwa kuzashakirwa akazi nyuma y’amasomo nyamara nyuma bikamwanga mu nda agashyira ahagaragara amafoto y’uyu mwarimu yamushyize umutwe mu maguru amutitiriza ngo baryamane


Ibinyamakuru bitandukanye byo muri Kenya byanditse iyi nkuru bivuga ko kugira ngo uyu mugabo afatishe uyu mukobwa, yamubwiyeko azamufasha kubona akazi mu bijyanye n’amasomo yahawe ari nabyo ahanini byatumye aza gufata ibyangombwa ari wenyine.

PNG - 609 kb
Njoro Racheal arangirije muri Makerere University muri uyu mwaka wa 2018, aha yari yambaye ikanzu


Uyu mukobwa yarangije kwiga muri iri shuri rya kaminuza ya Makerere uyu mwaka mu kwezi kwa mbere; ni ho yambaye ikanzu (graduation), kuri iyi nshuro rero yasambanyijwe n’uyu mwarimu, ubwo yari aje gutora ibyangombwa bye birimo n’indangamanota (Transcript), gusa byamwanze munda ahitamo kwandagaza uyu mugabo na we atiretse ashyira iyi foto kuri Facebook.

PNG - 417.6 kb
Uyu mwarimu wa Kaminuza ya Makerere, Kisuze Edward yandikiwe n’iyi Kaminuza amenyeshwa iki cyaha nyuma aza no gutabwa muri yombi

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo