Umuyobozi w’Intara ya Catalogna aravuga ko atahungiye mu Bubiligi  ahubwo yagiye kwisobanura

Carles Puidgemont wahoze ari umukuru w’intara ya Catalonia muri Espagne yavuze ko atajyanywe i Buruseli mu gihugu cy’u Bubiligi no gushaka ubuhingiro ko ahubwo ari ukugirango yisobanure.

Mu kiganiro yahaye abanyamakuru, yavuze ko iyo aguma muri Espagne kugirango ahangane na leta byari gutuma ubutegetsi bw’i Madrid bukoresha ingufu zidasanzwe.
Yongeyeho ko adashaka ko ibyo bikorerwa abaturage ba Catalonia.

Bwana Puidgemont yavuze kandi ko icyemezo cy’ubushinjacyaha bwa Espagne cyo kumushinja we na leta ye ibyaha bishobora guhanishwa gufungwa imyaka 30 mu munyururu byerekana ubushotoranyi bwa leta y’icyo gihugu.

Urukiko rurengera itegeko nshinga rwa Espagne rwagize impfabusa icyemezo cy’inteko nshingamategeko ya Catalonia giha ubwigenge iyo ntara.

Urukiko rw’ikirenga rwemeye kumva ibirego byo kwigomeka ku butegetsi biregwa umukuru w’inteko nshingamategeko ya Catalonia, Carme Forcadell, n’abandi badepite batanu batumye itora ku bwigenge bw’iyo ntara rikorwa mu nteko.



Tanga igitekerezo kuri iyi nkuru



Igitekerezo