Umutingito ukaze wahitanye abantu abarenga 200 muri Mexique

Umutingito ukaze wari ufite igipimo cya 7.1 wibasiye agace ko hagati mu gihugu cya Mexique ihitana abantu barenga 200.

Uyu mutingito wari ufite igipimo cya 7.1 wasenyuye amazu agera kuri 30 mu murwa mukuru Mexico. Abantu ibihumbi n’ibihumbi bakomeje ibikorwa by’ubutabazi bakura abantu munsi y’ibisigazwa by’amazu yabagwiriye
Abayobozi b’iki gihuhgu baravuga ko umubare w’abahitanywe n’uyu mutingito ushobora kwiyongera.
Daniel Lieberson wari muri hoteli ya Hilton mu mugi wa Mexico ubwo uyu mutingito waterga. Yagize ati “Nari mu igorofa rya 26, iyi nzu yanyeganyegaga imbere n’inyuma, ibiyo byose byamenetse, bidutera ubwoba twibaza uko tuhava kuko n’amadirishya yashakaga kuvaho ariko kubw’amahirwe si ko byagenze”. Uyu mutingito wamaze amasegunda 30.
Natasha Pizzey, umunyamakuru ukorera mu mugi wa Mexico yavuze ko hari abantu benshi bagwiriwe n’amazu kugeza ubu bagitabarwa. Yagize ati "Tuzi ko hari abantu barokotse amazu ntiyabagwira gusa natwe nta buryo twari dufite bwo kubatabara ariko kubw’amahirwe hari abantu amajana n’amajana baje kwitanga mu gutabara mu karere uyu mutingito wibasiye ndetse no mu zindi ntara zihana nka Morelos na Puebla naho hangiritse ibintu byinshi”.
Mu ntangiriro z’uku kwezi undi mutingito wari wibasiye agace k’uburasirazuba bw’iki gihuhgu cya Mexico uhitana ubuzima bw’abantu 90.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo