Umusore yafashwe yiba ibyuma atwikishwa Peterori isura irahindana

Umusore w’imyaka 25 y’amavuko wo mu gihugu cya Uganda witwa Frank Ssemugenyi yafashwe arimo kwiba ibyuma mu gace kitwa Kosovo ahazwi nka Lungujja mu gihe atarabijyana ngo abigurishe nkuko yari abigambiriye ahura n’uruva gusenya asukwaho Peterori umubiri wose isura ye irahindana.

Uyu musore yafatiwe mu rugo rw’umugabo w’umukire wari umaze igihe kinini avuga ko abajura bamujujubije bamwiba ibikoresha byo mu gikoni n’ibindi ariko akaba yari asanzwe n’ubundi akeka uyu musore ko ariwe umwiba.

Ubwo uyu musore yafatwaga nibwo yasutsweho Peterori n’uyu mugabo kubera agahinda k’uburyo yari amaze igihe kinini yibwa akayoberwa irengero ry’ibikoresho bye icyakora kubw’amahirwe uyu musore arengerwa n’abagiraneza bamuzimya atarashya ngo akongoke ariko mu maso harahindana nkuko bigaragara kuri iyi foto.

PNG - 951.4 kb
Uyu ni Frank Ssemugenyi wafashwe yiba ibyuma agatwikishwa Peterori gusa agakizwa n’abagiraneza


Ubwo yagezwaga kuri Sitasiyo ya Polisi, Frank yavuze ko asanzwe akora akazi ko gushakisha ibyuma akabigurisha bityo akabonamo amafaranga amutunga.

Abajijwe niba yari asanzwe ajya gushakira ibyuma mu rugo rw’uyu mukire yafatiwemo, yasubije ko bwari ubwa mbere ahakandagiye kandi ikindi akaba agenda ashaka ibyuma bikururwa na rukuruzi gusa bityo ibyo uwo mugabo amushinja byose atari we wabimwibye.

Nyuma yo guhatwa ibibazo na Polisi uyu musore yahise arekurwa asubizwa iwabo anagirwa inama yo kujya yitondera akazi akora ndetse atibagiwe ko ibyuma yirirwa ashakisha atabyitondeye bishobora kumutera indwara zandurira mu ruhu dore ko ibyinshi mu byuma atoragura biba bishaje kandi bitanujuje ubuziranenge.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo
leonce Kuya 9-05-2018

Fake news! Inkuru ntawuzi aho yabereye ntimwavuze ubwenegihugu cyabavugwamo, ubunyamwuga mucye gusa apuu

Kimazi jean paul Kuya 9-05-2018

Nuwo mukihe gihugu?