Umukunzi w’umwicanyi wishe abantu i Las Vegas yashyitse muri Amerika

Umukunzi wa Stephen Paddock uheruka kwivugana abantu mu mugi wa Las Vegas yageze muri Amerika avuye mu gihugu cya Philippines bityo akaba yahise afatwa na Polisi kugira ngo ahatqwe ibibazo ku bikorwa by’ubwicanyi by’umugabo we.

Kuri uyu wa kabiri nijoro bwo Marilou Danley wari mu gihugu cya Philippines yabonanye n’abakozi bashinzwe iperereza ubwo yururukaga indege mu mugi wa Los Angeles nkuko byatangajwe na bimwe mu binyamakuru byo muri Amerika.
Inkuru zivuga ko Paddock yoherereje Marilou Danley amadolari 100.000 muri Philippines imbere yuko yivugana abantu ku cyumweru gishize. Paddock yahitanye abantu 58 bari mu gitaramo akomeretsa abarenga 500 i Las Vegas.
Uyu mugabo yanyanyagije amasasu mu bantu benshi bari baje mu gitaramo cy’umuziki ari mu cyumba cya hoteli ya Mandalay Bay nyuma na we akaba yarahise yiyahura.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo