Umukecuru w’imyaka 61 yambikanye impeta n’umwana w’imyaka 8 gusa

Mu gihugu cya Afurika y’Epfo umwana w’imyaka 8 witwa Sanele Masilela yarongoye umukecuru w’imyaka 61 y’amavuko, Helen Shabangu usanzwe afite abana 5 mu rwego rwo kunezeza abakurambere nkuko babimutegetse.

Uyu mwana w’umuhungu w’imyaka 8 ukomoka mu gace ka Tshwane ho muri Afurika y’Epfo yatangaje ko yabwiwe n’abakurambere kurongora maze umuryago we mu rwego rwo gutinya abakurambere ukemera kumutegurira ubukwe.

Mu rwego rwo gushyira mu bikorwa icyifuzo cy’abakurambere ,umuryango wa Sanele watanze akayabo k’amayero 500 n’andi angana 1000 yakoresheshwe mu birori byabo byateguwe mu gihe cy’ibyumweru 2.
Umubyeyi wa sanele ufite imyaka 46, Patience Masilela yatangaje ko aribwo bwa mbere bibaye mu muryango wabo,anatangaza ko ari icyifuzo cy’abakurambere ko iyo bataza gukora ibyo umwna wabo yabasabye hari kuzaba ibintu bibi ku muryango wabo.
Asoza avuga ko ntakibazo afite kubera ko azi neza ko byategetse n’abakurambere kandi ko bituma bishima.

Sanele yatangaje ko yishimye kandi ko azasubira ku ishuli vuba ,ati “Ndishimye ko nashyingiranywe na Helen gusa nzasubira ku ishuri kandi nkomeze nige cyane ninkura nzashaka umugore wo mu kigero cyanjye .”
Ku rundi ruhande Helen ufite abana bari mu kigero cy’imyaka 37 na 27 nawe yishimiye ubukwe bwabo avuga ko byakozwe kubera ko byasabwe n’abakurambere anavuga kandi ko azi neza ko ubu bishimye.
Yasoje avuga ko ibi ari ikimenyetso gikomeye kigaragaza ko Sanele n’amara gukura azashaka kandi akagira ubukwe bwiza.
Umugabo we Alfred w’imyaka 65 , bamaranye imyaka 30 bashakanye yatangaje ko we n’abana be bishimye. Ati “Ntakibazo dufite” gusa abitabiriye ubukwe byabatunguye ndetse bamwe birababaza.

Daniel MUKESHIMANA/umubavu.com



Tanga igitekerezo kuri iyi nkuru



Igitekerezo