Umuhungu wa Perezida Mugabe yaguze imodoka 2 z’akataraboneka

Russell Goreraza, umuhungu w’imfura wa Perezida wa Zimbabwe Robert Mugabe n’umugore we Grace Mugabe yaguze imodoka 2 zo mu bwoko bwa Limosine bivugwa ko zamutwaye amamiliyoni y’amafaranga.

Russell Goreraza bivugwa ko asanzwe yikundira ubuzima bw’iraha nka nyina Grace Mugabe, yaguze izi modoka ebyiri zo mu bwoko bwa Limosine byanatumye ategura ibirori by’akataraboneka byo gutaha izi modoka ze yaguze ku mugabane w’u Burayi.

Uyu musore w’imfura ya Grace Mugabe ngo yasize amafoto y’izi modoka ze ku mbuga nkoranyambaga zitandukanye yishimira intambwe ateye mu buzima bwe anazereka abakunzi be. Izi modoka zikaba zaramutwaye asaga miliyoni 93. Aya mafaranga bikaba bivugwa ko uyu muhungu yayahawe na nyine Grace Mugabe ngo basanzwe bumvikana cyane kubera bombi basanzwe bikundira ubuzima bw’iraha.
Mu cyumweru gishize nibwo izi modoka zaguzwe I Burayi zizanwa n’indege zo mu bwoko bwa KLM ku kibuga cy’indege cy’I Harare mu gihugu cya Zimbabwe.

Abaturage bamwe na bamwe b’iki gihugu ntibishimiye iki gikorwa uyu muhungu wa Mugabe yakoze babitewe nuko bamwe baba mu buzima bubi cyane biturutse ku bukene ngo mu gihe uyu musore we yibereye mu iraha rye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo