Umuhungu wa Perezida Kenyatta yasebeye imbere y’imbaga

Muhoho Kenyatta, umuhungu wa Perezida w’igihugu cya Kenya Uhuru Kenyatta yasebeye imbere y’imbaga y’abanyakenya nyuma yuko ananiwe gusoma ijambo rye ryari mu rurimi rw’Igiswahili ubwo yari yitabiriye ukwiyamamaza kw’ishyaka rya Jubilee riri ku butegetsi muri Kenya ari naryo ise akomokamo.

Uyu muhungu wa Perezida Uhuru Kenyatta yananiwe gusoma ijambo rye ryari ryanditse mu rurimi rw’Igiswahili ubwo bari kiganiro cyo kwamamaza ise mu matora ateganyijwe gusubirwamo mu kwezi gutaha. Icyatangaje abanyakenya cyane ngo nuko ururimi rw’Igiswahili ari rwo rurimi kavukire rwo mu gihugu cya Kenya yanavukiyemo ariko bikaba byaramunaniye kuruvuga.
Muhoho Kenyatta yari afatanyije na William Ruto uyobora umutwe w’abadepite muri Kenya kwamamaza Uhuru Kenyatta mu matora ateganyijwe mu kwezi gutaha. William Ruto akaba ari we wacecekesheje abaturage bari aho ubwo uyu muhungu yananirwaga kuvuga Igiswahili. Byatangaje abantu cyane ngo bagendeye ko byari ugusoma ibyanditse gusa atari no kuvuga bisanzwe.
Ibi ngo byagumye gusakuza cyane mu mbuga nkoranyambaga zitandukanye abanyakenya bibaza ukuntu umuhungu wa Kenyatta atazi neza ururimi rw’Igiswahili yavukiyemo kandi ari narwo rurimi Leta ya Kenya ikoresha muri gahunda zose z’igihugu.
Uyu musore ngo ibi byose yabitewe nuko atakunze kuba mu gihugu cya Kenya ku mpamvu z’amasomo aho yagiye yiga mu ndimi zitandukanye zirimo icyongereza n’izindi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo