Umugororwa wari warakatiwe gufungwa burundu yatorotse gereza ya Huye

Umugororwa witwa Mwumvaneza Patrick wari warahamwe n’ibyaha byo gusambanya umwana ku ngufu ndetse yaranakatiwe igifungo cya burundu yaraye atorotse gereza ya Huye mu ijoro ryo kuwa Gatandatu tariki 7 Mata 2018, aho bivugwa ko yatorotse akoresheje umugozi ukoze muri supaneti (inzitiramubu).

Learn how to Thrive

Mwumvaneza Patrick afite inkomoko muri Repubulika Iharanira Demukarasi ya Congo akaba yari acumbitse mu nkambi y’impunzi ya Kigeme muri Nyamagabe mu Majyepfo y’u Rwanda akaba yari yarahamwe n’ibi byaha n’ubundi yakoreye muri iyi nkambi.

Amakuru y’itoroka rya Patrick yemejwe n’Umuvugizi w’Urwego rw’Igihugu rushinzwe Imfungwa n’Abagororwa, CIP Hillary Sengabo mu kiganiro yagiranye na Ukwezi.com aho yavuze ko uyu mugororwa yatorotse akoresheje umugozi uboshye mu nzitiramubu yashaje.

CIP Sengabo kandi yavuze ko kugeza ubu hari gukorwa iperereza ngo hamenyekane aho uyu mugabo yaba ari, ndetse yasabye abaturage kwihutira kumenyesha inzego z’umutekano cyangwa ubuyobozi bubari hafi mu gihe baramuka bamubonye.

Mwumvaneza Patirck w’imyaka 30 y’amavuko yakatiwe iki gifungo cya burundu mu mpera z’umwaka ushize aho ibyaha byamuhamye byari ibyo gufata ku ngufu umwana w’imyaka 14 aho yari yamusambanyije akamutera inda akanamufasha kuyikuramo.

Uyu mwana w’umukobwa wafashwe ku ngufu na Patrick ni umwe mu mpunzi zikomoka muri Repubulika Iharanira Demukarasi ya Congo zicumbikiwe mu nkambi ya Kigeme mu karere ka Nyamagabe aho bivugwa ko icyo gihe uwo mukobwa yari asanzwe akora imirimo yo mu rugo rw’uyu mugabo nyuma akamutera inda akaza no kumushakira imiti yo kuyikuramo.

Igitabo cy’amategeko ahana y’u Rwanda giteganya ko iyo umugororwa atorotse gereza atarasoza igihano yahawe, agafatwa akubirwa kabiri igihano yari asigaje muri gereza. Mwumvaneza we yari yarakatiwe burundu bivuze ko nta kindi gihano kirenze icyo yakatiwe yari kubona.

@Umubavu.com


Travel for Free!


Tanga igitekerezo kuri iyi nkuru



Igitekerezo