Umugore yatewe amabuye kugeza apfuye azira kurongorwa n’abagabo benshi

Umugore witwa Shukri Abdullahi Warsame wo mu gihugu cya Somalia yatewe amabuye kugeza apfuye nyuma yuko urukiko rwo muri iki gihugu ruyobowe n’abarwanyi b’umutwe w’iterabwoba wa Al-Shabab rumuhamije icyaha cyo kurongorwa n’abagabo benshi (gushakana n’abagabo benshi).

Shukri Abdullahi Warsame yahamijwe icyaha cyo gushakana n’abagabo 11 bose nyamara atabanje kugenda abimenyesha buri umwe umwe ngo abone kubana n’undi.

Uyu mugore yahambwe igice cye cyo hasi kugeza ku ijosi ari muzima nyuma aterwa amabuye n’abarwanyi b’umutwe wa Al-Shabab kugeza ashizemo umwuka, ibi bikaba byarabereye mu mujyi wa Sablale mu ntara ya Lower Shabelle nkuko BBC dukesha iyi nkuru yabyanditse.

Mu mwaka wa 2014, uyu mutwe w’iterabwoba wa Al-Shabab kandi wicishije amabuye undi mugore umushinja kurongorwa n’abagabo bane mu buryo bw’ibanga, ibi bikaba byarabereye muri komine ya Barawe mu nkengero zo mu majyepfo y’igihugu cya Somalia.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo